Kishan Reddy: ‘మొంథా’ తుఫాన్ కారణంగా తెలంగాణలో విస్తారంగా కురుస్తున్న భారీ వర్షాలు మరియు వరదలు రాష్ట్రంలో రోడ్డు వ్యవస్థను తీవ్రంగా దెబ్బతీశాయి. ముఖ్యంగా నాగర్‌కర్నూల్‌ జిల్లా, లట్టిపూర్ గ్రామం వద్ద ఉన్న కీలకమైన హైదరాబాద్–శ్రీశైలం హైవే (NH-765) వరద ధాటికి కొట్టుకుపోయింది.
హైవేకు నష్టం, రాకపోకలకు అంతరాయం
నాగర్‌కర్నూల్‌ జిల్లాలోని లట్టిపూర్ గ్రామం వద్ద. 111/335 కిలోమీటర్ల వద్ద రహదారి భారీ వర్షాల వల్ల తీవ్రంగా దెబ్బతిని, కొట్టుకుపోయింది. ఈ మార్గంలో ట్రాఫిక్‌ పూర్తిగా నిలిచిపోయింది, శ్రీశైలం వైపు రాకపోకలు స్తంభించాయి. రహదారి చుట్టుపక్కల ప్రాంతాల్లో భూమి కుంగిపోవడం, రహదారిపై పగుళ్లు ఏర్పడటం వల్ల వాహనదారులు ఇబ్బందులు ఎదుర్కొంటున్నారు.
ఇది కూడా చదవండి: Justice Surya Kant: 53వ సీజేఐగా జస్టిస్ సూర్యకాంత్.. ఆయన ఆస్తులు ఎంతో తెలుసా..?
కేంద్ర మంత్రి కిషన్‌రెడ్డి స్పందన, పునరుద్ధరణ చర్యలు
రహదారి దెబ్బతినడంపై కేంద్ర పర్యాటక, సాంస్కృతిక, అభివృద్ధి శాఖల మంత్రి జీ. కిషన్‌రెడ్డి తక్షణమే స్పందించారు. ఈ దుస్థితిపై ఆయన కేంద్ర రోడ్లు, రవాణా శాఖ మంత్రి నితిన్ గడ్కరీతో పాటు సంబంధిత ఉన్నతాధికారులతో మాట్లాడారు. వరద నీరు తగ్గిన వెంటనే రోడ్డు మరమ్మతు పనులు ప్రారంభమయ్యాయని కిషన్‌రెడ్డి వెల్లడించారు.
ఇది కూడా చదవండి: Cricket: మహిళల ప్రపంచ కప్ 2025: దూకుడుగా దూసుకుపోయిన ఆస్ట్రేలియా
ప్రస్తుతం గ్రావెల్‌ ఫిల్లింగ్‌ పనులు వేగంగా జరుగుతున్నాయని, కేంద్ర రహదారి శాఖ అధికారులు, ఇంజినీర్లు రాత్రిపూట కూడా పని చేస్తున్నారని తెలిపారు. అక్టోబర్‌ 31 మధ్యాహ్నం నాటికి ట్రాఫిక్‌ను పునరుద్ధరించేలా చర్యలు తీసుకుంటున్నామని ఆయన ప్రకటించారు. అధికారులు తాత్కాలిక మార్గాలు ఏర్పాటు చేయడంతో, ప్రస్తుతానికి అత్యవసర వాహనాలు మరియు సేవల రాకపోకలకు మాత్రమే అనుమతి ఇవ్వనున్నట్లు సమాచారం.
The Hyderabad – Srisailam Highway NH765 at km 111/335 was damaged near Lattipur village in Nagarkurnool district of Telangana due to heavy rains due to effect of Cyclone Montha. The road breach has resulted in traffic being stopped.
I have spoken to the Hon’ble Minister of Road… pic.twitter.com/hauli8Qznt
— G Kishan Reddy (@kishanreddybjp) October 30, 2025