Kingdom: ‘హరి హర వీరమల్లు’ చిత్రం విడుదల తేదీల సందిగ్ధత ‘కింగ్డమ్’ టీమ్ను కలవరపెడుతోంది. జూలై 24న ఈ సినిమా రిలీజ్ కానుందని తెలుస్తుండగా, ‘కింగ్డమ్’ నిర్మాత సూర్యదేవర నాగవంశీ వేరే తేదీ కోసం ఆలోచిస్తున్నారు. అయితే, ‘హరి హర’ బృందం నుంచి స్పష్టమైన సమాచారం రాకపోవడంతో గందరగోళం నెలకొంది. జూలై 25న ‘కింగ్డమ్’ విడుదల చేయకపోతే, ‘తమ్ముడు’, ‘వార్ 2’, ‘కూలీ’ వంటి భారీ చిత్రాలతో పోటీ తప్పదు. దీంతో కేవలం రెండు వారాల కలెక్షన్ సమయం మాత్రమే మిగులుతుంది.
వరుస వాయిదాలతో ‘కింగ్డమ్’పై నెగెటివ్ టాక్ వ్యాపిస్తోంది. ఓటీటీ ప్లాట్ఫామ్ల ఒత్తిడి, ప్రమోషన్లకు సమయం లేకపోవడం టీమ్ను ఇబ్బందిపెడుతోంది. రిలీజ్ తేదీపై స్పష్టత లేకపోవడంతో ప్రమోషన్లకు తగిన సమయం దొరకడం కష్టమని ఇండస్ట్రీ వర్గాలు ఆందోళన వ్యక్తం చేస్తున్నాయి. త్వరగా తేదీ ఖరారు చేయకపోతే, సినిమాపై ఆసక్తి సన్నగిల్లే ప్రమాదం ఉందని అభిమానులు హెచ్చరిస్తున్నారు.