Katrina Kaif: బాలీవుడ్‌లోని స్టార్ జంట కత్రినా కైఫ్, విక్కీ కౌశల్ తల్లిదండ్రులు కాబోతున్నారు. ఈ శుభవార్తతో అభిమానులు ఆనందం వ్యక్తం చేస్తున్నారు. ఈ జంటకు శుభాకాంక్షలు తెలియజేస్తున్నారు. మా జీవితంలో అతి పెద్ద అధ్యాయం ప్రారంభమవుతోంది అంటూ క్యాప్షన్ రాసుకున్నారు. కత్రినా–విక్కీ కౌశల్ జంట ఇప్పటికే బాలీవుడ్‌ సెలబ్రిటీ ఫేమస్ జంటలలో ఒకరిగా గుర్తింపు పొందారు. వీరి పెళ్లి వేడుక రాజస్థాన్‌లో అంగరంగ వైభవంగా జరిగింది, ఆ సమయంలో ప్రపంచవ్యాప్తంగా ఉన్న అభిమానులు కూడా ఈ వేడుకను సోషల్ మీడియాలో చూశారు.
ఈ హ్యాపీ న్యూస్‌పై అభిమానులు మాత్రమే కాక, సినీ ప్రముఖులు, కత్రినాతో కలిసి వర్క్ చేసిన హీరోలు, హీరోయిన్లు, డైరెక్టర్‌లు కూడా జంటకు శుభాకాంక్షలు తెలియజేస్తున్నారు. “మోస్ట్ బ్యూటిఫుల్ న్యూస్!”, “యూ విల్ బీ బెస్ట్ పేరెంట్స్” వంటి కామెంట్లు సోషల్ మీడియాలో వ్యక్తమవుతున్నాయి. కత్రినా ఇప్పటికే ‘టైగర్’ సిరీస్, ‘జిందగీ నా మిలేగీ దోబారా’, ‘దమ్ మారో దమ్’ వంటి సినిమాలతో స్టార్ హీరోయిన్‌గా నిలిచారు. విక్కీ కౌశల్ కూడా ‘ఉరి: ది సర్జికల్ స్ట్రైక్’, ‘సర్దార్ ఉదమ్’, ‘ఛావా’ వంటి సినిమాలతో బాలీవుడ్‌లో ప్రత్యేక గుర్తింపు పొందారు.
Also Read: 71st National Film Awards: 71వ జాతీయ చలనచిత్ర అవార్డుల పూర్తి విజేతల జాబితా
ఇలాంటి సందర్భంలో వ్యక్తిగత జీవితంలో సంతోషం రావడం అభిమానులకు, కుటుంబ సభ్యులకు గొప్ప ఆనందం కలిగించిందని తెలిపారు. తల్లిదండ్రులుగా మారబోతున్నారని తెలిసి ఫ్యాన్స్‌లో సంబరాలు నెలకొన్నాయి. కత్రినా–విక్కీ కౌశల్ జంట జీవితంలోని కొత్త అధ్యాయం ప్రారంభించబోతోంది. అభిమానులు ఈ హ్యాపీ న్యూస్‌ను సోషల్ మీడియాలో ఉత్సాహంగా పంచుకుంటూ, జంటకు ప్రేమతో నిండిన శుభాకాంక్షలు తెలియజేస్తున్నారు.