Bro Code: ప్రముఖ దర్శకుడు కార్తిక్ యోగి కొత్త ప్రాజెక్ట్‌తో ప్రేక్షకుల ముందుకు రాబోతున్నారు. ఆయన దర్శకత్వంలో ‘బ్రో కోడ్’ అనే సినిమా త్వరలో ప్రారంభం కానుంది. ఇది యాక్షన్, కామెడీ అంశాలు మేళవించిన ఒక ఎంటర్‌టైనర్‌గా ఉండబోతోందని సినీ వర్గాలు చెబుతున్నాయి.
ఈ చిత్రంలో రవి మోహన్, ఎస్.జె. సూర్యా ప్రధాన పాత్రల్లో నటిస్తున్నారు. అలాగే, శ్రీ గౌరి ప్రియ, శ్రద్ధా శ్రీనాథ్, మాళవిక మనోజ్ వంటి నటీమణులు కీలక పాత్రల్లో కనిపించనున్నారు. ‘రవి మోహన్ స్టూడియోస్’ బ్యానర్‌పై నిర్మితమవుతున్న ఈ సినిమా, నిర్మాత రవి మోహన్‌కు ఇది తొలి ప్రాజెక్ట్ కావడం విశేషం.
Also Read: Anushka Shetty: ఈసారి అనుష్క శెట్టితో క్రిష్ రచ్చ ఖాయం!
పాన్-ఇండియా స్థాయిలో విడుదల కానున్న ఈ సినిమాపై ఇప్పటికే భారీ అంచనాలు నెలకొన్నాయి. కార్తిక్ యోగి గతంలో ‘డిక్కిలూనా’, ‘వడక్కుపట్టి రామసామి’ వంటి విజయవంతమైన చిత్రాలను రూపొందించారు. ఈ సినిమా కోసం ఎస్.జె. సూర్యా ఒక పాజిటివ్ పాత్రలో కనిపించనున్నారు. కథాంశం, ఇతర నటీనటుల వివరాలు ప్రస్తుతం గోప్యంగా ఉంచారు. ఈ చిత్రం షూటింగ్ త్వరలో మొదలు కానుంది.