Marriage Certificate: పెళ్ళికి రిజిస్ట్రేషన్ ఎందుకు అనుకుంటున్నారా? అయితే ఇది తెలుసుకోవాల్సిందే!

Marriage Certificate: చాలా మంది జంటలు పెళ్లి చేసుకున్న తరువాత మేరేజీ సర్టిఫికెట్ తీసుకోవడంలో అలసత్వం చూపిస్తారు. ఆ.. దాంతో ఏమి పని ఉందిలే.. అవసరం అయినపుడు చూద్దాం అనుకుంటారు. మరికొందరికి దీని గురించి అసలు తెలియదు.  అయితే,  అది భార్యాభర్తల వివాహానికి చెల్లుబాటు అయ్యే చట్టపరమైన పత్రం. ఇది వివాహ నమోదు ప్రక్రియను నిర్ధారించడమే కాకుండా వివాహ హక్కులను కూడా పరిరక్షిస్తుంది. మహిళల హక్కులను పరిరక్షించే లక్ష్యంతో 2006లో భారత అత్యున్నత న్యాయస్థానం వివాహ నమోదును తప్పనిసరి చేసింది.

వివాహ ధృవీకరణ పత్రం ఎందుకు?

• పెళ్లి తర్వాత ఇంటిపేరు మార్చుకోని అమ్మాయిల కోసం, ఈ పత్రం వివాహానికి సంబంధించిన చట్టపరమైన రుజువును అందిస్తుంది.
• విదేశాలలో వీసా,  ఇమ్మిగ్రేషన్ ప్రక్రియలలో భర్త/భార్య సంబంధాన్ని నిరూపించడానికి వివాహ ధృవీకరణ పత్రం తప్పనిసరి.
• బ్యాంక్ డిపాజిట్లు లేదా జీవిత బీమా ప్రయోజనాలను స్వీకరించడానికి ఇది అవసరం, ముఖ్యంగా నామినీ పేరు నమోదు కానప్పుడు.
• పెన్షన్ పథకాలు, ఇతర ఆర్థిక ప్రయోజనాలను క్లెయిమ్ చేయడానికి కూడా సర్టిఫికేట్ అవసరం.
• విడాకులు, ఆస్తి వివాదాలు, వారసత్వం వంటి సందర్భాల్లో వివాహం చెల్లుబాటును నిరూపించడానికి ఇది ఒక ముఖ్యమైన సాక్ష్యం.
• భార్యాభర్తల ఇంటిపేర్లు వేర్వేరుగా ఉంటే, పిల్లల చట్టబద్ధతను నిరూపించడంలో ఇది సహాయపడుతుంది.
• వివాహ ధృవీకరణ పత్రం వివాహానికి సంబంధించిన మోసం,  చట్టవిరుద్ధ కార్యకలాపాల నుండి మహిళలను రక్షిస్తుంది.  వారి హక్కులను నిర్ధారిస్తుంది.

ఇది కూడా చదవండి: US Gay Couple: గే జంటకు నూరేళ్ళ జైలు . . వాళ్ళు చేసిన పని తెలిస్తే ఇది కూడా తక్కువే అంటారు !

వివాహ ధ్రువీకరణ పత్రం లేకుంటే…

• విదేశాలలో కలిసి జీవించాలని లేదా కలిసి ప్రయాణించాలని ప్లాన్ చేసుకున్న జీవిత భాగస్వాములు, వివాహ ధృవీకరణ పత్రాన్ని సమర్పించడంలో వైఫల్యం వీసా, ఇమ్మిగ్రేషన్ ప్రక్రియలో సమస్యలను కలిగిస్తుంది.
• బ్యాంక్ డిపాజిట్, జీవిత బీమా లేదా ఉద్యోగి బీమా పెన్షన్ పథకం కింద, వివాహితుడు తన మరణం తర్వాత ప్రయోజనాల కోసం అతని భార్య, పిల్లలను మాత్రమే నామినేట్ చేయవచ్చు. వివాహ ధృవీకరణ పత్రం లేకుండా ఈ ప్రయోజనాలను పొందడం కష్టం అవుతుంది.
• ఒక స్త్రీ తన భర్త మరణించిన తర్వాత అతని ఆస్తి, పూర్వీకుల ఆస్తిలో అతని హక్కులు, ప్రయోజనాలపై దావా వేయడం సాధారణంగా వివాహం  చెల్లుబాటు ఆధారంగా సవాలు చేయబడుతుంది. వివాహ ధృవీకరణ పత్రం లేనప్పుడు, స్త్రీ తన హక్కులను పొందలేరు.
• వైవాహిక వివాదాలు లేదా విడాకుల విషయంలో, వివాహ ధృవీకరణ పత్రం లేకపోవడం వల్ల వివాహం రద్దు చేయబడవచ్చు. ఉదాహరణకు, మే 2024లో సుప్రీం కోర్ట్ ఆర్డర్ ప్రకారం రిజిస్ట్రేషన్, ఆచారాలు లేకుండా చేసిన వివాహాలు చెల్లవు.
• అనేక సందర్భాల్లో, ఆచారాలు లేకుండా వివాహం చేసుకోవడం లేదా మతపరమైన ప్రదేశంలో వివాహం చేసుకోవడం ద్వారా మోసం చేసిన సంఘటనలు వెలుగులోకి వస్తున్నాయి. ఇలాంటి పరిస్థితుల్లో చదువుకున్నప్పటికీ వివాహ ధ్రువీకరణ పత్రం లేకపోవడంతో మహిళలు హక్కులు కోల్పోతున్నారు.

 

తెలుగు సినిమా ప్రస్థానం ఈ లింక్ ద్వారా తెలుసుకోవచ్చు