India US Trade Talks: భారతదేశం – అమెరికా వాణిజ్య ఒప్పంద చర్చల్లో పాడి పరిశ్రమ ప్రధాన అడ్డంకిగా మారింది. వాషింగ్టన్ DC, న్యూఢిల్లీ తన పాల మార్కెట్‌ను అమెరికా ఉత్పత్తులకు తెరవాలని కోరుతోంది. అయితే, మతపరమైన మరియు సాంస్కృతిక కారణాలతో భారతదేశం కఠినమైన షరతులు విధిస్తోంది.
భారతదేశం ఎందుకు వ్యతిరేకిస్తోంది?
భారతదేశం స్పష్టంగా చెబుతోంది.. “మాంసం లేదా రక్తం తినిపించిన ఆవుల పాలను ఎట్టి పరిస్థితుల్లోనూ అనుమతించం”. పాడి పరిశ్రమలో అమెరికా పాల ఉత్పత్తులను దిగుమతి చేసుకోవాలంటే, ఆ పాలు మాంసం లేదా జంతు ఉత్పత్తులు తినని ఆవుల నుంచే రావాలి అనే కఠిన నిబంధనపై భారత్ పట్టుబడుతోంది.
ఇది కూడా చదవండి: CRPF Jawan Commits Suicide: భార్య‌తో ఫోన్‌లో మాట్లాడుతూ గ‌న్‌తో కాల్చుకొని ఆర్మీ జ‌వాన్ ఆత్మ‌హ‌త్య
“ఒక ఆవు మాంసం, రక్తం తినిపించబడితే ఆ పాలు పవిత్రం కాదు. భారతదేశం దీన్ని ఎప్పటికీ అంగీకరించదు” అని గ్లోబల్ ట్రేడ్ రీసెర్చ్ ఇన్స్టిట్యూట్‌కి చెందిన అజయ్ శ్రీవాస్తవ తెలిపారు.
భారతదేశంలో పాలు కేవలం ఆహారం కాదు; మతపరమైన ఆచారాల్లోనూ కీలక పాత్ర పోషిస్తాయి. అందుకే పాల వినియోగంపై భారతీయులు అత్యంత సున్నితంగా ఉంటారు.
ఆర్థిక కారణాలు కూడా ముఖ్యమే
-
భారతదేశ పాడి పరిశ్రమ విలువ ₹16.8 లక్షల కోట్లు.
-
80 మిలియన్లకు పైగా చిన్నకారు రైతులు దీనిపై ఆధారపడి జీవిస్తున్నారు.
-
అమెరికా పాలు దిగుమతులను అనుమతిస్తే, చౌక ధరల కారణంగా స్థానిక రైతులు నష్టపోతారు.
-
SBI విశ్లేషణ ప్రకారం, అమెరికా పాలు దిగుమతులు తెరిస్తే భారత్‌కి ఏటా ₹1.03 లక్షల కోట్ల నష్టం వస్తుంది.
మహారాష్ట్రకు చెందిన రైతు మహేష్ సకుండే మాట్లాడుతూ – “చౌక పాల దిగుమతులు వస్తే మా లాంటి రైతుల జీవనం దెబ్బతింటుంది” అని ఆందోళన వ్యక్తం చేశారు.
అమెరికా ఆరోపణలు
వాషింగ్టన్ DC మాత్రం భారతదేశ వైఖరిని “అనవసరమైన వాణిజ్య అవరోధం”గా పేర్కొంది. అమెరికా ప్రకారం, భారతదేశం విధిస్తున్న పశువైద్య ధృవీకరణ, అధిక సుంకాలు (పాలపొడిపై 60%, వెన్నపై 40%, జున్నుపై 30%) వాణిజ్యానికి అడ్డంకిగా మారుతున్నాయి.
అయితే, భారతదేశం మాత్రం “ఇది కేవలం వాణిజ్య సమస్య కాదు; ఇది మతపరమైన, సాంస్కృతిక అంశం” అని స్పష్టం చేస్తోంది.
తీర్మానం ఎప్పుడు?
2030 నాటికి భారత్ – అమెరికా వాణిజ్యాన్ని $500 బిలియన్లకు పెంచాలని ఇరు దేశాలు లక్ష్యంగా పెట్టుకున్నాయి. కానీ “మాంసాహార పాలు” వివాదం వల్ల ఒప్పందానికి ఆటంకం కలుగుతోంది.భారతదేశం తన పాడి పరిశ్రమను కాపాడుకోవడమే కాకుండా, సాంస్కృతిక విలువలను కూడా రక్షించాలనుకుంటోంది.
సౌర్క్స్ .. ఇండియా టుడే ఆర్టికల్