Hyderabad: తెలంగాణలో కురుస్తున్న భారీ వర్షాలు రవాణా వ్యవస్థను దెబ్బతీశాయి. పలు జిల్లాల్లో రైళ్ల రాకపోకలకు అంతరాయం ఏర్పడింది. ముఖ్యంగా బిక్నూరు మండలం తలమండ్ల సెక్షన్‌లో రైల్వే ట్రాక్‌పై వరద నీరు ప్రవహించడంతో రైల్వే అధికారులు అత్యవసర చర్యలు చేపట్టారు.
దక్షిణ మధ్య రైల్వే ప్రకారం, కొన్ని రైళ్లను ప్రత్యామ్నాయ మార్గాలకు మళ్లించారు. అక్కన్నపేట-మెదక్‌ సెక్షన్‌ పరిధిలో కూడా పలు రైళ్లను మార్గం మళ్లించారు.
అదే సమయంలో, భద్రత కారణాల వల్ల కొన్ని రైళ్లను రద్దు చేశారు. రద్దయిన రైళ్లు:
ముంబై – లింగంపల్లి
లింగంపల్లి – ముంబై
ఓఖా – రామేశ్వరం
భగత్ కి కోఠి – కాచిగూడ
నిజామాబాద్‌ – తిరుపతి (రాయలసీమ ఎక్స్‌ప్రెస్‌)
అదనంగా, కాచిగూడ – మెదక్‌ ట్రైన్‌ను పాక్షికంగా రద్దు చేశారు.
రైల్వే అధికారులు ప్రయాణికులకు హెచ్చరికలు జారీ చేశారు. ప్రయాణానికి ముందు తాజా సమాచారం తెలుసుకోవాలని సూచించారు.