Horoscope: నేటి దినఫలాలు చాలా రాశులకు శుభకరంగా, ప్రోత్సాహకరంగా ఉండనున్నాయి. ముఖ్యంగా ఉద్యోగ, వ్యాపార రంగాల్లో అనుకూల ఫలితాలు, ఆర్థికంగా పురోగతి సాధించే అవకాశం ఉంది. పలు రాశుల వారికి అధికారుల నుంచి ప్రశంసలు, కీలక బాధ్యతలు దక్కనున్నాయి. నూతన ప్రయత్నాలు, ఆర్థిక లావాదేవీల్లో సానుకూలత కనిపిస్తోంది.
మేషం: విజయం మీదే… ఆర్థిక లాభాలు!
మీరు చేస్తున్న కృషి అభివృద్ధి దిశగా ఫలితాలనిస్తుంది. కొత్త పనుల్లో ఖచ్చితంగా విజయం సాధిస్తారు. శారీరక శ్రమ పెరిగినా, ఆ ఫలితం మిమ్మల్ని సంతృప్తిపరుస్తుంది. పాత అప్పులు, బంధువుల నుంచి రావాల్సిన డబ్బు చేతికి అందుతుంది. ఆర్థిక ప్రయత్నాల కారణంగా ఒత్తిడి ఉన్నా, ఆదాయం మాత్రం కలిసి వస్తుంది. వివాదాలకు దూరంగా ఉండటం మంచిది. దుర్గా దేవి శ్లోకం చదవడం మీకు శక్తినిస్తుంది.
వృషభం: అధికారి మద్దతు, ఆర్థిక స్థిరత్వం
మీరు ప్రారంభించిన పనులు సజావుగా పూర్తవుతాయి. కార్యాలయంలో అధికారుల నుంచి ఆదరణ, ప్రోత్సాహం లభిస్తాయి, మీకు ప్రత్యేక బాధ్యతలు అప్పగిస్తారు. ఆర్థిక పరిస్థితి బాగా మెరుగుపడుతుంది, ముఖ్యమైన అవసరాలు తీరుతాయి. బంధుమిత్రుల సహాయంతో ప్రధాన పనులు పూర్తవుతాయి. వృత్తి, వ్యాపారాలు పురోగమిస్తాయి. ఆరోగ్యంపై శ్రద్ధ పెట్టడం అవసరం. విష్ణు ఆరాధన శ్రేయస్సును అందిస్తుంది.
మిథునం: చాకచక్యం కీలకం, శుభవార్తలు
గ్రహస్థితి మిశ్రమంగా ఉన్నా, మీ చాకచక్యం మంచి ఫలితాలను ఇస్తుంది. ఉద్యోగాలు, వ్యాపారాలు లాభసాటిగా సాగుతాయి. కొత్త ఆదాయ మార్గాలు కూడా అనుకూలిస్తాయి. కొత్త ప్రయత్నాలు సానుకూలంగా ముందుకు సాగుతాయి. బంధువుల నుంచి శుభవార్తలు అందుతాయి. ఆరోగ్యం విషయంలో జాగ్రత్త అవసరం, శత్రువుల పట్ల అప్రమత్తంగా ఉండాలి. దుర్గా ధ్యానం మనోధైర్యాన్ని పెంచుతుంది.
కర్కాటకం: కృషికి ఫలితం, వ్యాపారంలో లాభాలు
మీ కృషికి తగిన ఫలితాలు దక్కుతాయి. పెద్దలు మీ నిర్ణయాలకు మద్దతు ఇస్తారు. వృత్తి జీవితంలో బిజీగా ఉంటారు. వ్యాపారాల్లో ఊహించని ఆర్థిక లాభాలు పొందుతారు, ఆదాయం పెరుగుతుంది. పొదుపులు, మదుపులు అలవాటు చేసుకోవడం మంచిది. కుటుంబంలో ఆనందకర వాతావరణం ఉంటుంది. పిల్లల నుంచి శుభవార్తలు వింటారు. శివాష్టోత్తరం చదవడం శుభకరం.
సింహం: గౌరవం పెరుగుతుంది, ఆర్థికంగా బలం
మీ చిత్తశుద్ధి, పట్టుదలతో విజయం మీ సొంతం అవుతుంది. వృత్తి, ఉద్యోగాలలో అధికారులు మీపై ఎక్కువగా ఆధారపడతారు. ఇంటా బయటా గౌరవ మర్యాదలు పెరుగుతాయి. ఆర్థిక పరిస్థితి చాలా మెరుగ్గా ఉంటుంది, ఆదాయం వృద్ధి చెందుతుంది. విలువైన కానుకలు అందుతాయి. పెళ్లి ప్రయత్నాల్లో శుభవార్తలు వింటారు. అనవసర విషయాలకు దూరంగా ఉండండి. శివారాధన రక్షణతో పాటు శక్తిని ఇస్తుంది.
కన్య: గుర్తింపు, ఆర్థిక అనుకూలత
ఉద్యోగంలో మీ మాటకు తిరుగుండదు, వృత్తి, వ్యాపారాల్లో డిమాండ్ పెరుగుతుంది. మీ ప్రయత్నాలకు తగిన గుర్తింపు లభిస్తుంది. ఆర్థిక విషయాల్లో రోజంతా సానుకూలంగా ఉంటుంది, ఆర్థిక పరిస్థితి బాగా అనుకూలంగా ఉంటుంది. పిల్లలకు సంబంధించిన సమాచారం ఆనందం కలిగిస్తుంది. ముఖ్యమైన పనులు సానుకూలంగా పూర్తవుతాయి. విష్ణు ఆలయ సందర్శనం శాంతి, శుభాన్ని ఇస్తుంది. ఎవరికీ వాగ్దానాలు చేయవద్దు.
తుల: ధైర్యమే బలం, ఆదాయం వృద్ధి
మీ కష్టానికి తగిన ఫలితం దొరుకుతుంది. ధైర్యం, పట్టుదలతో ముందుకు సాగండి, అదృష్టం మీ వెంటే ఉంటుంది. ఉద్యోగంలో మంచి గుర్తింపు లభిస్తుంది. వృత్తి, వ్యాపారాల్లో లాభాలు పెరిగే అవకాశముంది. అనేక మార్గాల్లో ఆదాయం పెరుగుతుంది. ముఖ్యమైన వ్యవహారాల్లో మీ సొంత నిర్ణయాలు కలిసి వస్తాయి. ఆరోగ్య సమస్యల నుంచి ఉపశమనం లభిస్తుంది. సమయానికి విశ్రాంతి అవసరం. శ్రీ వేంకటేశ్వరస్వామి దర్శనం శుభప్రదం.
వృశ్చికం: సత్ఫలితాలు, ఉత్సాహ భరితం
బంధుమిత్రుల సాయంతో కొత్త ప్రణాళికలు రూపుదిద్దుకుంటాయి. మీ నిర్ణయాలు సరైన దిశలో ఫలిస్తాయి. వృత్తి, ఉద్యోగాల్లో అధికారులను పనితీరుతో ఆకట్టుకుంటారు. వ్యాపారాల్లో సొంత నిర్ణయాలు కలిసి వస్తాయి. ఆదాయం బాగా పెరిగే అవకాశం ఉంది. నిరుద్యోగులకు ఉద్యోగావకాశాలు కలిసి వస్తాయి. ఉత్సాహం పెరిగి పనులు వేగంగా సాగుతాయి. జీవిత భాగస్వామితో అన్యోన్యత పెరుగుతుంది. హనుమాన్ చాలీసా శ్రేయస్సును కలిగిస్తుంది.
ధనుస్సు: ఆధ్యాత్మిక చింతన, ఆర్థిక జాగ్రత్త
మీ వృత్తి, ఉద్యోగాలు సానుకూలంగా సాగిపోతాయి. పోటీదారుల మీద పైచేయి సాధిస్తారు. భవిష్యత్తు ప్రణాళికలపై ప్రత్యేక దృష్టి పెడతారు. ఆధ్యాత్మిక చింతన పెరుగుతుంది, కుటుంబంతో కలిసి ఆలయ సందర్శనం చేస్తారు. పిల్లల నుంచి శుభవార్త వింటారు. అధికారులతో సున్నితంగా వ్యవహరించండి. ఆర్థిక వ్యవహారాల్లో జాగ్రత్త అవసరం, కుటుంబ ఖర్చులు పెరుగుతాయి. చంద్ర ధ్యానం మానసిక ప్రశాంతతను ఇస్తుంది.
మకరం: ప్రయత్నాలు ఫలిస్తాయి, కొత్త అవకాశాలు
మీ ప్రయత్నాలు ఫలిస్తాయి. ఉద్యోగంలో అధికారుల నమ్మకాన్ని చూరగొంటారు. వృత్తి, వ్యాపారాలు లాభదాయకంగా పురోగమిస్తాయి. ముఖ్యమైన అంశంపై ఉన్నతాధికారులను కలుస్తారు, మంచి నిర్ణయాలు వెలువడతాయి. కొత్త అవకాశాలు ముందుకొస్తాయి. అనుకున్న పనులు అనుకున్నట్టు పూర్తవుతాయి. ఇతరుల విషయాల్లో జోక్యం చేసుకోకపోవడం మంచిది, వాదోపవాదాలకు దిగవద్దు. విష్ణు ఆరాధన శ్రేయస్సును పెంచుతుంది.
కుంభం: సహకారం, ఆర్థిక పురోగతి
తోటి వారి సహకారంతో పనులు సజావుగా సాగుతాయి. ఆర్థికంగా పురోగతి కనిపిస్తోంది, అదనపు ఆదాయ ప్రయత్నాలు సత్ఫలితాలనిస్తాయి. పలుకుబడి కలిగిన వ్యక్తులతో పరిచయాలు ఏర్పడతాయి. శుభవార్తలతో మీ మనోధైర్యం పెరుగుతుంది. వృత్తి, ఉద్యోగాలలో పని భారం ఎక్కువగా ఉంటుంది. ప్రతిభా పాటవాలకు ప్రత్యేకమైన గుర్తింపు లభిస్తుంది. కుటుంబ జీవితం హ్యాపీగా సాగుతుంది. శ్రీరామ నామస్మరణ విజయానికి దారి చూపుతుంది.
మీనం: స్పష్టమైన ఆలోచనలు, అదృష్టం వెంట
స్పష్టమైన ఆలోచనలతో సమస్యలను పరిష్కరిస్తారు. మీ పనితీరుకు అధికారుల నుంచి గుర్తింపు లభిస్తుంది. వృత్తి, వ్యాపారాల్లో లాభాలకు లోటుండదు. రావలసిన డబ్బు చేతికి అందుతుంది. ఆస్తి వివాదాల్లో బంధువుల నుంచి సహాయం లభిస్తుంది. కుటుంబంలో చిన్నపాటి విభేదాలు తేలికగా తగ్గిపోతాయి. ఆత్మవిశ్వాసం నిలుపుకోండి, అదృష్టం మీ వైపే ఉంటుంది. చంద్ర ఆరాధన శాంతితో పాటు శుభాన్ని అందిస్తుంది.