Telangana: కాళేశ్వరం ప్రాజెక్టుపై వేసిన కమిషన్ నివేదికకు సంబంధించిన అంశాలపై ఈరోజు తెలంగాణ హైకోర్టులో కీలక విచారణ జరగనుంది. మాజీ ముఖ్యమంత్రి కేసీఆర్ మరియు మాజీ మంత్రి హరీష్‌రావు దాఖలు చేసిన పిటిషన్లపై హైకోర్టు నేడు విచారణ చేపట్టనుంది.
ఏమిటీ పిటిషన్?
కాళేశ్వరం ప్రాజెక్టులో జరిగిన లోపాలపై ప్రభుత్వం నియమించిన కమిషన్ ఇచ్చిన నివేదిక ఆధారంగా తమపై ఎలాంటి చర్యలు తీసుకోకూడదు అని కోరుతూ కేసీఆర్, హరీష్‌రావు హైకోర్టులో పిటిషన్ దాఖలు చేశారు.
ఈ పిటిషన్లపై తెలంగాణ ప్రభుత్వం ఇప్పటికే తమ కౌంటర్‌ను (సమాధానాన్ని) హైకోర్టులో దాఖలు చేసింది. ప్రభుత్వం ఇచ్చిన కౌంటర్‌పై ఈరోజు కోర్టులో విచారణ జరగనుంది.
విచారణకు రానున్న ఐఏఎస్‌ల పిటిషన్లు
కేసీఆర్, హరీష్‌రావు పిటిషన్లతో పాటు, ఈరోజు హైకోర్టులో మరో ఇద్దరు కీలక వ్యక్తులు దాఖలు చేసిన పిటిషన్లు కూడా విచారణకు రానున్నాయి.
* మాజీ ప్రభుత్వ ప్రధాన కార్యదర్శి (CS) ఎస్కే జోషి
* సీనియర్ ఐఏఎస్ అధికారి స్మితా సబర్వాల్
వీరిద్దరూ కూడా కాళేశ్వరం అంశంపైనే హైకోర్టులో పిటిషన్లు దాఖలు చేశారు. ఈ కేసులన్నింటిపై ఈరోజు హైకోర్టు విచారణ జరిపి, తదుపరి ఆదేశాలు జారీ చేసే అవకాశం ఉంది.