Google: సోషల్ మీడియా వచ్చిన తర్వాత తప్పుడు వార్తలు ఊపందుకున్నాయి. దింతో నిజం కి అబ్బందంకి తేడా లేకుంటే పోతుంది. దీని అరికట్టడానికి గూగుల్ పెద్ద ఎత్తున చర్యలు చేపట్టింది. చైనా, రష్యాతో పాటు పలు దేశాలకు సంబంధించిన రాష్ట్ర ప్రోపగాండా (ప్రచార) ఖాతాలను తొలగించింది.
ఏం జరిగింది?
2025 రెండవ త్రైమాసికంలో, గూగుల్ తన ప్లాట్‌ఫారమ్‌లపై “సమన్వయ ప్రభావ కార్యకలాపాలు” (Coordinated Influence Operations)ను అరికట్టేందుకు దాదాపు 11,000 యూట్యూబ్ ఛానెల్‌లు మరియు ఇతర ఖాతాలను తొలగించింది.
చైనా-సంబంధిత ఖాతాలు
అందులో భాగంగానే 7,700 కంటే ఎక్కువ ఛానెల్‌లు చైనాతో లింక్ ఉన్నాయి అని తేలింది. వీటిలో ఎక్కువగా చైనీస్, ఆంగ్ల భాషల్లో వీడియోలు పోస్ట్ చేస్తున్నారు. పీపుల్స్ రిపబ్లిక్ ఆఫ్ చైనాకు మద్దతు, జి జిన్‌పింగ్ ప్రశంసలు, అమెరికా విదేశాంగ వ్యవహారాలపై చర్చ వంటి కంటెంట్‌ను ప్రచారం చేశాయి.
ఇది కూడా చదవండి: AP News: ఏపీ తోతాపురి మామిడి రైతులకు భారీ ఊరట..
రష్యా-సంబంధిత ఖాతాలు
2,000కు పైగా ఛానెల్‌లు రష్యాతో లింక్ అయి ఉన్నాయ్ . రష్యాకు మద్దతు ఇస్తూ, ఉక్రెయిన్, నాటో, పాశ్చాత్య దేశాలను విమర్శించే వీడియోలు ఆ కథలలో పోస్ట్ చేశాయి. 2025 మేలో, రష్యా ప్రభుత్వ నియంత్రణలో ఉన్న RT మీడియా సంస్థకు సంబంధించిన 20 యూట్యూబ్ ఛానెల్‌లు, 4 ప్రకటనల ఖాతాలు, ఒక బ్లాగర్ బ్లాగ్ను కూడా గూగుల్ తొలగించింది. గమనించదగ్గ విషయం ఏమిటంటే, రష్యా ఉక్రెయిన్‌పై దాడి చేసిన కొద్దికాలానికే, 2022 మార్చిలోనే YouTube RT ఛానెల్‌లను బ్లాక్ చేయడం ప్రారంభించింది.
ఇతర దేశాలు కూడా లక్ష్యం
గూగుల్ థ్రెట్ అనాలిసిస్ గ్రూప్ నేతృత్వంలో తీసుకున్న ఈ చర్యలో, అజర్‌బైజాన్, ఇరాన్, టర్కీ, ఇజ్రాయెల్, రొమేనియా, ఘనా వంటి దేశాల ప్రభావ ప్రచార ఖాతాలను కూడా తొలగించారు. కొన్ని ప్రచారాలు రాజకీయ ప్రత్యర్థులపై దాడి చేయడం లక్ష్యంగా పెట్టుకున్నాయి. మరికొన్ని ఇజ్రాయెల్-పాలస్తీనా యుద్ధం వంటి జియోపాలిటికల్ ఉద్రిక్తతలను ప్రోత్సహించే విధంగా ఉన్నాయి.
మెటా కూడా కఠిన చర్యలు
గూగుల్‌తో పాటు, మెటా కూడా తప్పుడు కంటెంట్‌పై కఠినంగా వ్యవహరిస్తోంది. 2025 ప్రథమార్థంలోనే, సుప్రసిద్ధ కంటెంట్ సృష్టికర్తలుగా నటిస్తున్న 10 మిలియన్ల నకిలీ ప్రొఫైల్‌లను మెటా తొలగించింది.