Gold Price Today: దేశంలో బంగారం ధరలు రికార్డు స్థాయికి చేరాయి. 10 గ్రాముల బంగారం ధర ఏకంగా రూ.1,18,000 మార్క్‌ను దాటి ఆల్ టైమ్ హైకి చేరుకుంది. దీనితో పాటు వెండి ధరలు కూడా భారీగా పెరుగుతున్నాయి.
ఢిల్లీలో ధరల వివరాలు
దేశ రాజధాని ఢిల్లీలో 10 గ్రాముల బంగారం ధర రూ.1,18,900గా నమోదైంది. ఈ ధరలు గతంలో ఎన్నడూ లేని విధంగా అత్యధిక స్థాయికి చేరుకున్నాయి.
బంగారంతో పాటు వెండి ధరలు కూడా గణనీయంగా పెరిగాయి. ఢిల్లీలో కిలో వెండి ధర రూ.1,39,600గా ఉంది. బంగారం, వెండి ధరల పెరుగుదలకు ప్రపంచ ఆర్థిక పరిస్థితులు, ద్రవ్యోల్బణం, భౌగోళిక రాజకీయ అనిశ్చితి వంటి పలు కారణాలు ప్రభావితం చేస్తున్నాయని నిపుణులు విశ్లేషిస్తున్నారు.
ఈ ధరల పెరుగుదల వల్ల కొనుగోలుదారులు ఆందోళన చెందుతున్నారు. పండుగ సీజన్, వివాహాల సమయం కావడంతో ఈ ధరల పెరుగుదల ప్రజలపై మరింత భారం మోపుతోంది. ఈ పరిస్థితి ఇలాగే కొనసాగితే, బంగారం, వెండి కొనుగోళ్లు మరింత కష్టంగా మారే అవకాశం ఉంది.