Road Accident: కడప జిల్లాలో మరోసారి విషాదకర రోడ్డు ప్రమాదం చోటుచేసుకుంది. సీకే దిన్నె మండలంలోని గువ్వలచెరువు ఘాట్ వద్ద శనివారం ఉదయం జరిగిన ఈ ప్రమాదంలో ఐదుగురు ప్రాణాలు కోల్పోయారు. రాయచోటి నుంచి కడపకు వస్తున్న కారు, ఎదురుగా వస్తున్న లారీని ఢీకొట్టడంతో ఈ దుర్ఘటన చోటుచేసుకుంది.
ప్రమాద తీవ్రత అంతుగా ఉండటంతో, కారులో ఉన్న ఐదుగురు అక్కడికక్కడే మరణించారు. మృతుల్లో ముగ్గురు మహిళలు, ఒక చిన్నారి ఉన్నారు. ఇంకా ఒకరు యువకుడుగా గుర్తించారు. ప్రమాద సమయంలో కారు పూర్తిగా నలిగిపోయి ఉన్నట్లు ప్రత్యక్షసాక్షులు తెలిపారు. ఘాట్ రోడ్డులో ఉన్న మూలమలుపు వద్ద వేగంగా దూసుకొచ్చిన లారీ, నేరుగా కారును ఢీకొట్టిందని ప్రత్యక్షసాక్షుల వర్ణన.
ఇది కూడా చదవండి: Vallabhaneni Vamsi: వల్లభనేని వంశీకి తీవ్ర అస్వస్థత.. అర్థరాత్రి ఆస్పత్రికి తరలించిన పోలీసులు
ప్రమాద సమాచారం అందుకున్న వెంటనే పోలీసులు ఘటనాస్థలికి చేరుకుని సహాయక చర్యలు చేపట్టారు. మృతదేహాలను పోస్టుమార్టం నిమిత్తం సమీపంలోని ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు ప్రారంభించారు.
ఈ ఘాట్ రోడ్డులో తరచూ ప్రమాదాలు జరుగుతున్నప్పటికీ, తగిన బందోబస్తు చర్యలు లేకపోవడం వల్ల ఈ ప్రమాదాలు నిత్యకృత్యంగా మారుతున్నాయి. ప్రజలు రోడ్డు ప్రవర్తన విషయంలో అప్రమత్తంగా ఉండాలని, అధికార యంత్రాంగం వెంటనే రహదారి భద్రత పట్ల దృష్టి పెట్టాలని స్థానికులు డిమాండ్ చేస్తున్నారు.