Boat Sinks: డాక్టర్ బి.ఆర్. అంబేడ్కర్ కోనసీమ జిల్లా తీరంలో సోమవారం తెల్లవారుజామున తీవ్ర కలకలం రేగింది. సముద్రంలో వేటకు వెళ్లిన మత్స్యకారుల బోటు ఈదురుగాలుల ధాటికి అదుపుతప్పి నీట మునిగిపోయింది. అయితే, సరిగ్గా అదే సమయంలో సమీపంలో ఉన్న మరో బోటు సిబ్బంది సమయస్ఫూర్తితో స్పందించడంతో అందులోని తొమ్మిది మంది మత్స్యకారులు సురక్షితంగా ఒడ్డుకు చేరారు. ప్రాణాపాయం తప్పడంతో అధికారులు, కుటుంబ సభ్యులు ఊపిరి పీల్చుకున్నారు.
ఈదురుగాలుల బీభత్సం – సముద్రంలో మునిగిన బోటు:
ప్రమాదం జరిగిన సమయంలోనే సమీపంలో చేపల వేట సాగిస్తున్న మరో బోటు సిబ్బంది ప్రమాదాన్ని గుర్తించారు. వెంటనే తమ బోటును ప్రమాద స్థలానికి తీసుకెళ్లి, మునిగిపోతున్న బోటులో ప్రాణాల కోసం అల్లాడుతున్న తొమ్మిది మంది మత్స్యకారులను సురక్షితంగా తమ బోటులోకి ఎక్కించుకున్నారు. బాధితులను సురక్షితంగా ఒడ్డుకు చేర్చడంతో అంతా ఊపిరి పీల్చుకున్నారు. ఎలాంటి ప్రాణనష్టం జరగకపోవడంతో మత్స్యకారుల కుటుంబాల్లో ఆనందం వ్యక్తమైంది.సముద్రంలో వేగంగా వీచిన గాలులే ఈ ప్రమాదానికి ప్రధాన కారణమని మత్స్యకారులు వెల్లడించారు.
కోనసీమ జిల్లాలో మత్స్యకారుల బోటుకు ప్రమాదం
భైరవపాలెం మొగలో మునిగిపోయిన మత్స్యకారుల బోటు
భైరవపాలెం గ్రామానికి చెందిన చింత శ్రీను బోటుపై వేటకు వెళ్లిన తొమ్మిది మంది మత్స్యకారులు
తెల్లవారుజామున గాలి వేగంగా వీయడంతో ప్రమాదవశాత్తు సముద్రంలో మునిగిన బోటు
మరొక బోటు సహాయంతో… pic.twitter.com/wL8yanvkrc
— Telugu Scribe (@TeluguScribe) September 21, 2026