Dragon: జూనియర్ ఎన్టీఆర్, ప్రశాంత్ నీల్ కాంబినేషన్‌లో రూపొందుతున్న ‘డ్రాగన్’ చిత్రం షూటింగ్‌పై కొత్త అప్‌డేట్ వైరల్‌గా మారింది. ఫస్ట్ షెడ్యూల్ ముగిసిన తర్వాత స్క్రిప్ట్‌లో చిన్న మార్పులు చేర్చారు. ఎన్టీఆర్-నీల్ మధ్య క్రియేటివ్ డిఫరెన్సెస్ పుకార్లు అవాస్తవమని తేలింది. ప్రశాంత్ నీల్ లొకేషన్స్ కోసం ఆఫ్రికా పర్యటనలో ఉన్నారట.
Also Read: Chiranjeevi: కోర్టును ఆశ్రయించిన చిరంజీవి..30మందికి కోర్టు నోటీసులు
జూనియర్ ఎన్టీఆర్, ప్రశాంత్ నీల్ జోడీలో తెరకెక్కుతున్న హై వోల్టేజ్ యాక్షన్ చిత్రం ‘డ్రాగన్’పై అభిమానుల ఆసక్తి ఎంతో ఉంది. మైత్రీ మూవీ మేకర్స్, ఎన్టీఆర్ ఆర్ట్స్ బ్యానర్స్‌పై నందమూరి కళ్యాణ్ రామ్, నవీన్ యెర్నేని, రవిశంకర్ యలమంచిలి గ్రాండ్ నిర్మాణం చేపట్టారు. కన్నడ నటి రుక్మిణీ వసంత్ హీరోయిన్‌గా నటిస్తోంది. ఇటీవల ఫస్ట్ షెడ్యూల్ పూర్తి చేసిన మేకర్స్ స్క్రిప్ట్‌లో స్వల్ప మార్పులు చేర్చారు. ఎన్టీఆర్-నీల్ మధ్య విభేదాలు ఉన్నాయనే వార్తలు కేవలం పుకార్లుగానే మిగిలాయి. ప్రశాంత్ నీల్ లొకేషన్స్ సేకరణ కోసం ఆఫ్రికా పర్యటిస్తున్నారు. వారం రోజుల్లో భారత్ తిరిగి వచ్చి నవంబర్ మొదటి వారంలో హైదరాబాద్‌లో సెకండ్ షెడ్యూల్ ప్రారంభించనున్నారు. ఈ లాంగ్ షెడ్యూల్‌లో మెయిన్ క్యాస్ట్ అంతా పాల్గొంటుంది. ఎన్టీఆర్ కూడా షూటింగ్ సన్నాహాలు చేస్తున్నారు. 2026 జూన్ 25న తెలుగు, హిందీ, తమిళ్, కన్నడ, మలయాళ వంటి పాన్ ఇండియా భాషల్లో ఈ చిత్రం గ్రాండ్ గా రిలీజ్ కానుంది.