Delhi: భారత్‌-పాకిస్థాన్‌ మధ్య మరోసారి ఉద్రిక్తతలు మరిగే సూచనలు కనిపిస్తున్నాయి. ఈ క్రమంలో పాకిస్థాన్‌ మాజీ హైకమిషనర్ అబ్దుల్ బాసిత్ చేసిన ట్వీట్ చర్చనీయాంశంగా మారింది. మే 10, 11 తేదీల్లో భారత్‌ పాకిస్థాన్‌పై దాడి చేసే అవకాశముందని బాసిత్ ట్వీట్ చేశారు.
భారత్‌ ఈ దాడిని రష్యా విక్టరీ డే (మే 9) అనంతరం జరిపే అవకాశముందని ఆయన అభిప్రాయపడ్డారు. ఇది ఒక ఊహాత్మక అంచనా అయినప్పటికీ, ప్రస్తుతం ద్వైపాక్షికంగా నెలకొన్న పరిస్థితుల నేపథ్యంలో దీనిని తేలికగా తీసుకోవడం కుదరదు.
బాసిత్ వ్యాఖ్యలు భారత రాజకీయ, రక్షణ రంగాల్లో తీవ్ర చర్చకు దారి తీసే అవకాశముంది. ప్రస్తుతం అధికారికంగా భారత్‌ ఈ వ్యాఖ్యలపై స్పందించకపోయినా, శాంతి, భద్రత అంశాల్లో ఇలాంటి వ్యాఖ్యలు గణనీయంగా పరిగణించబడతాయి.