Cm revanth: తెలంగాణ రాష్ట్ర అసెంబ్లీలో ముఖ్యమంత్రి రేవంత్ రెడ్డి రాష్ట్ర ఆర్థిక పరిస్థితిపై కీలక వ్యాఖ్యలు చేశారు. ఆయన మాట్లాడుతూ, ప్రస్తుత ప్రభుత్వ హయాంలో రూ. 4,682 కోట్ల అప్పు చేసినప్పటికీ, గత ప్రభుత్వం చేసిన అప్పుల భారం వల్ల రాష్ట్ర ఖజానాపై తీవ్రమైన ఒత్తిడి ఏర్పడిందని చెప్పారు.
కేసీఆర్ హయాంలో చేసిన అప్పుల వివరాలు
గత ప్రభుత్వ హయాంలో (కేసీఆర్ పాలనలో) మొత్తం రూ. 88,591 కోట్ల అప్పు తీసుకున్నారని సీఎం వెల్లడించారు.
ఈ అప్పులకు వడ్డీగా ఇప్పటి వరకు రూ. 64,768 కోట్లు చెల్లించాల్సి వచ్చిందని తెలిపారు.
గత 15 నెలల వ్యవధిలోనే రాష్ట్రం అప్పుల చెల్లింపులకు రూ. 1,53,000 కోట్లను ఖర్చు చేసిందని సీఎం స్పష్టం చేశారు.
రాష్ట్ర ఆర్థిక వ్యవస్థ పతనమవుతున్నదని, కేసీఆర్ హయాంలో ఆర్థిక క్రమశిక్షణ లేకపోవడం వల్ల ప్రజలపై భారంగా మారిందని సీఎం రేవంత్ ఆరోపించారు. ఆయన ప్రకటనపై విపక్షాలు ఎలా స్పందిస్తాయో చూడాలి.