Category: Entertainment

Ranveer Singh: ‘డాన్ 3’ సినిమా వివాదంలో FWICE జారీ చేసిన నాన్-కోఆపరేషన్ డైరెక్టివ్‌పై నటుడు రణ్‌వీర్ సింగ్ కోర్టును ఆశ్రయించారు. ప్రీ-ప్రొడక్షన్ నష్టాల కింద ఎక్సెల్ ఎంటర్‌టైన్‌మెంట్ రూ. 45 కోట్ల పరిహారం కోరడంతో ఈ వివాదం మొదలైంది. క్రియేటివ్ విభేదాల కారణంగా రణ్‌వీర్ ఈ సినిమా నుండి తప్పుకున్నట్లు తెలుస్తుండగా, ప్రస్తుతం ఈ ప్రాజెక్ట్ పూర్తిగా నిలిచిపోయింది.

Pandu Master: విశాఖ ఆనందపురం సమీపంలో జరిగిన రోడ్డు ప్రమాదంలో కొరియోగ్రాఫర్ పండు మాస్టర్ తీవ్రంగా గాయపడ్డారు. తగరపువలసలో షో ముగించుకుని వస్తుండగా టీమ్ మెంబర్‌కు ఆరోగ్యం బాగోలేక కారు ఆపారు. పండు మాస్టర్ కారు దిగి పక్కన నిలబడగా వెనుక నుండి వచ్చిన కోళ్ల వ్యాన్ బలంగా ఢీకొట్టింది. ప్రస్తుతం ఆయన ఆసుపత్రిలో చికిత్స పొందుతున్నారు.

Peddi: రామ్ చరణ్ ‘పెద్ది’ సినిమా టికెట్ ధరల పెంపునకు తెలంగాణ ప్రభుత్వం అనుమతి ఇచ్చింది. సింగిల్ స్క్రీన్స్‌లో రూ. 100, మల్టీప్లెక్స్‌లలో రూ. 125 వరకు అదనంగా పెంచుకోవచ్చు. అలాగే జూన్ 3 రాత్రి పడే ప్రత్యేక ప్రీమియర్ షోల టికెట్ ధరను రూ. 600 వరకు అనుమతించారు. ఈ పెంపుదల కేవలం మొదటి 10 రోజులు మాత్రమే అందుబాటులో ఉంటుంది.

Peddi: రామ్ చరణ్ – బుచ్చిబాబు సన ‘పెద్ది’ చిత్రం ప్రపంచవ్యాప్తంగా రూ. 218.5 కోట్ల భారీ ప్రీ-రిలీజ్ బిజినెస్ చేసింది. చరణ్ కెరీర్‌లోనే వన్ ఆఫ్ ది బిగ్గెస్ట్ బిజినెస్ జరుపుకున్న ఈ చిత్రం క్లీన్ హిట్ అవ్వాలంటే రూ. 400 – 425 కోట్ల గ్రాస్ వసూలు చేయాలి. జూన్ 4న విడుదల కానున్న ఈ సినిమా మొదటి రోజే రూ. 100 కోట్ల గ్రాస్ సాధిస్తుందని ట్రేడ్ వర్గాలు అంచనా వేస్తున్నాయి.

Lokesh Kanagaraj: ఖైదీ, విక్రమ్ లాంటి హిట్స్ ఇచ్చిన దర్శకుడు లోకేష్ కనకరాజ్.. తన తాజా చిత్రం ‘కూలీ’ ఆశించిన విజయం సాధించకపోవడంతో నటన వైపు మొగ్గు చూపుతున్నారు. వరుసగా నటన ప్రాజెక్టులు ఒప్పుకుంటూ ‘కత్తాలన్ సీక్వెల్’ లో విలన్ పాత్రకు సిద్ధమవుతుండటంతో.. ఆయన దర్శకత్వంపై పట్టు కోల్పోతారేమోనని అభిమానులు ఆందోళన చెందుతున్నారు. మరోవైపు ఇరు వర్గాల మధ్య సయోధ్య కుదరకపోవడంతో ‘ఖైదీ 2’ ప్రాజెక్ట్ కూడా ఆలస్యమయ్యేలా కనిపిస్తోంది.

Mega 158: మెగాస్టార్ చిరంజీవి, డైరెక్టర్ బాబీ కాంబినేషన్‌లో వస్తున్న ‘Mega 158’ షూటింగ్‌కు సిద్ధమవుతోంది. ఈ సినిమాలో సెకండాఫ్‌లో వచ్చే ఒక కీలక పాత్ర కోసం నారా రోహిత్‌ను ఎంపిక చేసినట్లు తెలుస్తోంది. KVN ప్రొడక్షన్స్ నిర్మిస్తున్న ఈ చిత్రానికి థమన్ సంగీతం అందిస్తుండగా, ప్రియమణి, అనశ్వర రాజన్ ముఖ్య పాత్రలు పోషిస్తున్నారు.

Sobhita Dhulipala: మోడలింగ్ నుండి హాలీవుడ్ వరకు శోభితా ధూళిపాళ్ల ప్రయాణం అద్భుతమైనది. ‘మేడ్ ఇన్ హెవెన్’ ద్వారా గుర్తింపు తెచ్చుకున్న ఆమె, ‘మంకీ మ్యాన్’ సినిమాతో హాలీవుడ్‌లోకి ఎంట్రీ ఇచ్చారు. అంతర్జాతీయ లగ్జరీ బ్రాండ్స్‌కు ప్రమోట్ చేస్తూనే, భారతీయ చేనేత వస్త్రాలకు మద్దతుగా నిలుస్తూ గ్లోబల్ లెవెల్లో మెరుస్తున్నారు.