Bigg Boss Telugu 9: బిగ్ బాస్ తెలుగు సీజన్ 9లో మళ్లీ హాట్ టాపిక్ మారింది! ఈసారి ఒకేసారి ఆరుగురు కొత్త కంటెస్టెంట్లు వైల్డ్ కార్డ్ ఎంట్రీగా హౌస్‌లోకి అడుగుపెట్టారు. వీరిలో నలుగురు సెలబ్రిటీలు కాగా, మరో ఇద్దరు కామనర్స్. దీంతో షోలో కొత్త టర్న్ ప్రారంభమైనట్టే కనిపిస్తోంది. కొత్త ఫేస్‌ల రాకతో హౌస్‌లోని గేమ్ ప్లాన్ పూర్తిగా మారబోతున్నాయి.
రమ్య మోక్ష – పికిల్స్ ఫేమ్ అమ్మాయి ఇప్పుడు హౌస్‌లో!
మొదటి వైల్డ్ కార్డ్ ఎంట్రీగా రమ్య మోక్ష (అలేఖ్య చిట్టి పికిల్స్ ఫేమ్) బిగ్ బాస్ హౌస్‌లోకి అడుగుపెట్టింది. సోషల్ మీడియాలో హాట్ టాపిక్ అయ్యే రమ్య తన పర్సనల్ లైఫ్, నాన్న మృతి, బిజినెస్ స్ట్రగుల్స్, ట్రోల్స్ వంటి అంశాలపై బహిరంగంగా మాట్లాడింది. ఆమె నిజాయితీ, ఓపెన్ టాక్ బిగ్ బాస్ ప్రేక్షకుల హృదయాలను గెలుచుకోగలదా అన్నది ఆసక్తికరం.
శ్రీనివాస్ సాయి – చైల్డ్ ఆర్టిస్ట్ నుండి హీరో వరకు!
‘గోల్కొండ హై స్కూల్’, ‘మహర్షి’, ‘సరిలేరు నీకెవ్వరు’ సినిమాలతో తెలుగు ప్రేక్షకులకు పరిచయమైన శ్రీనివాస్ సాయి ఇప్పుడు బిగ్ బాస్‌లో కొత్త ప్రయాణం మొదలుపెట్టాడు. ఇటీవల ‘వినరా సోదర వీర కుమార’ సినిమాలో హీరోగా నటించిన సాయి, తన యూత్ ఫ్యాన్ బేస్‌ను షోలో సపోర్ట్‌గా మార్చుకోగలడేమో చూడాలి.
దువ్వాడ మాధురి – సోషల్ మీడియాలో సెన్సేషన్
దివ్వల (దువ్వాడ) మాధురి పేరు సోషల్ మీడియాలో బాగా ఫేమస్. తరచూ ట్రెండింగ్‌లో ఉండే ఈ యువతి బిగ్ బాస్ వేదికపై తన అసలైన వ్యక్తిత్వాన్ని చూపించేందుకు సిద్ధమైంది. ఆమె ఆత్మవిశ్వాసం, ధైర్యం హౌస్‌లో ఎలాంటి హంగామా సృష్టిస్తాయో చూడాలి.
నిఖిల్ నాయర్ – సీరియల్స్ నుంచి రియాలిటీ షో వైపు
‘లుకే బంగారమాయనే’, ‘గృహలక్ష్మి’ సీరియల్స్ ద్వారా కుటుంబ ప్రేక్షకుల్లో మంచి గుర్తింపు తెచ్చుకున్న నిఖిల్ నాయర్, ఇప్పుడు బిగ్ బాస్‌లో తన ప్రస్థానం ప్రారంభించాడు. తన చలాకీ నడవడి, స్మార్ట్ గేమ్ ప్లే తో ఈ సీజన్‌లో ఫ్యాన్ ఫేవరెట్ అవ్వాలని టార్గెట్ పెట్టుకున్నాడు.
ఇది కూడా చదవండి: Vivek: మంత్రి అడ్లూరి లక్ష్మణ్‌ను రెచ్చగొట్టి, నాపై విమర్శలు చేయిస్తున్నారు
ఆయేషా జీనత్ – తమిళ్ బిగ్ బాస్ తర్వాత తెలుగు వేదికపై రీ ఎంట్రీ
‘సావిత్రి గారి అబ్బాయి’ సీరియల్ మరియు ‘కిర్రాక్ బాయ్స్ కిలాడీ గర్ల్స్’ షోతో ప్రాచుర్యం పొందిన ఆయేషా జీనత్, గతంలో తమిళ్ బిగ్ బాస్‌లో కూడా కనిపించింది. ఇప్పుడు మరోసారి తెలుగు బిగ్ బాస్‌లో అదృష్టం పరీక్షించుకోనుంది. ఆమె గత అనుభవం ఈసారి ఎంత వరకు ఉపయోగపడుతుందో ఆసక్తికరంగా ఉంది.
గౌరవ్ గుప్తా – కొత్త ఎనర్జీతో చివరి వైల్డ్ కార్డ్ ఎంట్రీ
‘గీత ఎల్ఎల్బీ’ సీరియల్‌తో గుర్తింపు తెచ్చుకున్న గౌరవ్ గుప్తా, ఇప్పుడు బిగ్ బాస్ 9లో ఆరవ వైల్డ్ కార్డ్‌గా హౌస్‌లోకి ప్రవేశించాడు. తెలుగు నేర్చుకునే ప్రయత్నంలో ఉన్న గౌరవ్‌కు నాగ్ ప్రత్యేకంగా ఒక టాస్క్ ఇచ్చారు – “దివ్య నికితా నుంచి తెలుగు నేర్చుకో!” అని.
మొత్తానికి…
ఈ ఆరుగురు వైల్డ్ కార్డ్స్ ఎంట్రీతో బిగ్ బాస్ హౌస్‌లో గేమ్ డైనమిక్స్ పూర్తిగా మారిపోయే అవకాశం ఉంది. ఎవరు ఎవరితో జత కడతారు? ఎవరి తో క్లాష్ అవుతారు? అన్నది రాబోయే ఎపిసోడ్స్‌లో క్లియర్ కానుంది. కానీ ఒక విషయం మాత్రం ఖాయం – బిగ్ బాస్ తెలుగు 9లో ఇక బోరింగ్ అనే మాటే లేదు!
Beta feature
Beta feature