Bigg Boss 9: బిగ్ బాస్ తెలుగు సీజన్ 9 ఊహించని ట్విస్టులు, సర్‌ప్రైజ్‌లతో ప్రేక్షకులను కట్టిపడేస్తోంది. సెప్టెంబర్ 7న గ్రాండ్‌గా ప్రారంభమైన ఈ రియాలిటీ షో ఇప్పటికే నాలుగో వారం ఎలిమినేషన్స్ దశకు చేరుకుంది. మొత్తం 15 మంది కంటెస్టెంట్లు హౌస్‌లోకి అడుగుపెట్టగా, ఇప్పటివరకు శ్రేష్ఠి వర్మ, మర్యాద మనీష్, ప్రియా శెట్టి ఎలిమినేట్ అయ్యారు. ఈ వారం నామినేషన్ ప్రాసెస్ మరింత ఉత్కంఠభరితంగా సాగింది. తమకు ఇమ్యూనిటీ రావడం వల్ల తనూజ గౌడ, సుమన్ శెట్టి, అలాగే కెప్టెన్ హోదాలో ఉన్న డీమాన్ పవన్ ఎలిమినేషన్స్ నుంచి తప్పించుకున్నారు. మిగిలిన వారిలో ఫ్లోరా షైనీ, రీతూ చౌదరి, సంజనా గల్రానీ, మాస్క్ మ్యాన్ హరీష్, దివ్య నికితా, శ్రీజ నామినేట్ అయ్యారు.
ఓటింగ్ ట్రెండ్: ఎవరు సేఫ్? ఎవరు డేంజర్?
సోషల్ మీడియా మరియు అధికారిక ఓటింగ్ ప్రకారం ఈ వారం పరిస్థితి ఇలా ఉంది:
-
సంజనా గల్రానీ – టాప్ స్థానంలో సేఫ్‌గా కొనసాగుతున్నారు.
-
ఫ్లోరా షైనీ – రెండో స్థానంలో నిలిచి మళ్లీ ఓటింగ్‌లో బలమైన సపోర్ట్ పొందుతున్నారు.
-
దివ్య నికితా – వైల్డ్ కార్డ్ ఎంట్రీ అయినప్పటికీ, మూడో స్థానంలో మంచి ఓట్లు సాధిస్తున్నారు.
-
రీతూ చౌదరి – ఈ వారం నాలుగో స్థానం వరకు పడిపోవడం గమనార్హం.
-
మాస్క్ మ్యాన్ హరీష్ – ఐదో స్థానంలో, డేంజర్ జోన్‌కి దగ్గరగా.
-
శ్రీజ – ఆరవ స్థానంలో నిలిచి ఎలిమినేషన్ బెంచ్‌మార్క్ వద్దకు చేరుకున్నారు.
ఇది కూడా చదవండి: Raju Gari Gadhi 4: ‘రాజు గారి గది 4.. రిలీజ్ డేట్ వచ్చేసింది..!
హరీష్, శ్రీజలపై విమర్శలు
హౌస్‌లో మొదటి నుంచీ హరీష్ కఠినంగా, కొంతవరకు నెగటివ్‌గా ప్రవర్తించడం వల్ల ప్రేక్షకుల వ్యతిరేకత పెరుగుతోంది. మరోవైపు, శ్రీజ ప్రేక్షకులను ఆకట్టుకోవడంలో విఫలమవుతున్నారని కామెంట్లు వస్తున్నాయి. ఆమె హౌస్‌లో యాక్టివ్‌గా కనిపించకపోవడం, నిర్లక్ష్య ధోరణి కారణంగా బిగ్ బాస్ అభిమానులు ఆమెపై అసహనం వ్యక్తం చేస్తున్నారు.
ఈ వారం ఎలిమినేషన్‌లో ఎవరు బయటకు?
ప్రస్తుత ఓటింగ్ సరళి చూస్తే హరీష్, శ్రీజలే ఎలిమినేషన్ జోన్‌లో ఉన్నారు. అయితే నెటిజన్ల అభిప్రాయాల ప్రకారం శ్రీజ హౌస్ నుంచి బయటకు వెళ్లే అవకాశం ఎక్కువగా కనిపిస్తోంది.