Bangladesh: బంగ్లాదేశ్ పదవీచ్యుత ప్రధాన మంత్రి షేక్ హసీనా బుధవారం (ఫిబ్రవరి 5) రాత్రి అవామీ లీగ్ పార్టీ మద్దతుదారులను ఉద్దేశించి ప్రసంగించారు. అయితే, ప్రసంగం జరిగిన వెంటనే, ఢాకాలో నిరసనకారులు షేక్ ముజిబుర్ రెహమాన్ చారిత్రాత్మక నివాసంపై దాడి చేసినట్లు సమాచారం వెలువడింది. నిరసనకారులు ఆ నివాసాన్ని ధ్వంసం చేశారు.
షేక్ హసీనా ఫేస్‌బుక్ లైవ్ ద్వారా ప్రజలను ఉద్దేశించి ప్రసంగించారు. తన ప్రసంగంలో, తనను చంపడానికి బంగ్లాదేశ్‌లో ఒక ఉద్యమం ప్రారంభమైందని అన్నారు. మహ్మద్ యూనుస్ నన్ను, నా సోదరిని చంపాలని ప్లాన్ చేశాడు.
ఈ దాడులు జరిగినప్పటికీ అల్లా నన్ను బతికించి ఉంచాడు అంటే, నేను ఏదో పెద్ద పని చేసి ఉంటానని షేక్ హసీనా అన్నారు. ఇది జరగకపోతే, నేను ఇన్నిసార్లు మరణాన్ని ఓడించలేక పోయేదానిని అని చెప్పారు.
బుల్డోజర్ తో చరిత్రను తుడిచివేయలేము: షేక్ హసీనా
తన ప్రసంగంలో, ప్రజలు తన ఇంటికి ఎందుకు నిప్పంటించారని ప్రశ్న లేవనెత్తారు. నేను బంగ్లాదేశ్ ప్రజల నుండి న్యాయం కోరుతున్నాను. నేను నా దేశానికి ఏమీ చేయలేదా? మమ్మల్ని ఎందుకు అంతగా అవమానించారు? బంగ్లాదేశ్‌లో తిరుగుబాటు తర్వాత, నిరసనకారులు షేక్ హసీనా నివాసాన్ని ధ్వంసం చేసిన విషయం తెల్సిందే. ఆమె ఇంట్లో ఉన్న వస్తువులను దోచుకున్నారు. ఆమె ఇంటిని బుల్డోజర్‌తో కూల్చివేసారు.
ఇది కూడా చదవండి: Papaya Seeds: బొప్పాయి గింజలను పారేయకండి.. అవి చేసే మేలు చూస్తే షాకే !
నిరసనకారులు ధ్వంసం చేసిన ఇంటితో నాకు చాలా జ్ఞాపకాలు ఉన్నాయని షేక్ హసీనా అన్నారు. ఇళ్లను తగలబెట్టవచ్చు కానీ చరిత్రను తుడిచివేయలేము. మహమ్మద్ యూనస్ – అతని మద్దతుదారులను సవాలు చేస్తూ, లక్షలాది మంది అమరవీరుల ప్రాణాలను బలిగొని మనం సాధించిన జాతీయ జెండాను, రాజ్యాంగాన్ని బుల్డోజర్‌తో నాశనం చేయగలరా అని ప్రశ్నించారు. చరిత్రను బుల్డోజర్ తో తుడిచివేయలేమని చెప్పారు.
ఆమె ప్రసంగం తర్వాత, ధన్మొండి ప్రాంతంలో ఉన్న ఇంటి ముందు వేలాది మంది గుమిగూడారు. ఆ ఇల్లు ఇప్పుడు ఒక స్మారక మ్యూజియంగా ఉంది. బంగ్లాదేశ్ స్వాతంత్ర్య ఉద్యమానికి ప్రతీకగా పరిగణిస్తారు. ఇంటర్నెట్ మీడియాలో నిరసనకారులు “బుల్డోజర్ ర్యాలీ”కి పిలుపునిచ్చిన తర్వాత ఈ సంఘటన జరిగింది.
నిరసనకారులను ఒప్పించడానికి సైనిక సిబ్బంది బృందం ప్రయత్నించినప్పటికీ వారిపై నినాదాలు చేశారని ప్రత్యక్ష సాక్షులు తెలిపారు. నిరసనకారులు మొదట భవనం గోడపై అమరవీరుడి గ్రాఫిటీని పాడు చేసి, “ఇప్పుడు 32 మంది ఉండరు” అని రాశారు. ఆగస్టు 5న విద్యార్థుల నేతృత్వంలోని భారీ నిరసన తర్వాత బంగ్లాదేశ్ నుండి పారిపోయిన షేక్ హసీనా అప్పటి నుండి భారతదేశంలో నివసిస్తున్నారు.