anitaరాష్ట్రాన్ని ప్రభావితం చేస్తున్న మొంథా తుఫాన్‌పై ప్రభుత్వం అత్యంత అప్రమత్తంగా వ్యవహరిస్తోందని ఆంధ్రప్రదేశ్‌ హోం మంత్రి తనేటి వనిత అనిత తెలిపారు. తుఫాన్‌ ప్రభావం కోస్తా జిల్లాల్లో ఎక్కువగా ఉండే అవకాశం ఉన్నందున ప్రజలు జాగ్రత్తలు పాటించాలని సూచించారు.
“తుఫాన్‌ సమయంలో గంటకు 100 కిలోమీటర్ల వేగంతో గాలులు వీసే అవకాశం ఉంది. ప్రజలు బయటకు వెళ్లకుండా జాగ్రత్తగా ఉండాలి. ముఖ్యంగా మత్స్యకారులు వేటకు వెళ్లరాదు,” అని మంత్రి హెచ్చరించారు.
మొంథా తుఫాన్‌పై ముఖ్యమంత్రి చంద్రబాబు నాయుడు స్వయంగా నిత్యం పర్యవేక్షిస్తున్నారని ఆమె పేర్కొన్నారు. అత్యవసర పరిస్థితులను ఎదుర్కోవడానికి 13 SDRF, 6 NDRF బృందాలు సిద్ధంగా ఉన్నాయని వెల్లడించారు.
“ప్రజలకు ఎలాంటి ఇబ్బందులు కలుగకుండా అన్ని చర్యలు తీసుకుంటున్నాం. తుఫాన్‌ ప్రభావిత ప్రాంతాల్లో సహాయక చర్యలు వేగంగా జరుగుతున్నాయి,” అని మంత్రి అనిత తెలిపారు.