Sriya Reddy: పవర్ స్టార్ పవన్ కళ్యాణ్ నటిస్తున్న భారీ చిత్రం ‘ఓజి’ షూటింగ్ మళ్లీ ఊపందుకుంది. దర్శకుడు సుజిత్ రూపొందిస్తున్న ఈ యాక్షన్ ఎంటర్‌టైనర్ కోసం అభిమానులు ఆసక్తిగా ఎదురుచూస్తున్నారు. తాజాగా ఈ చిత్ర సెట్స్‌లో నటి శ్రియా రెడ్డి జాయిన్ అయినట్లు సమాచారం. ఆమె ఓ కీలకమైన పవర్‌ఫుల్ పాత్రలో కనిపించనుందని టాలీవుడ్ వర్గాలు చెబుతున్నాయి. సలార్ లో అద్భుతమైన నటనతో యూత్ ని ఫిదా చేసింది శ్రియా. ఇప్పుడు ఓజీలో ఆమె ఎంట్రీతో అంచనాలు మరింత పెరిగాయి. ఇక ఈ చిత్రంలో ప్రియాంక మోహన్ హీరోయిన్‌గా నటిస్తుండగా, బాలీవుడ్ స్టార్ ఇమ్రాన్ హష్మి విలన్‌గా విశ్వరూపం చూపనున్నాడు. థమన్ సంగీతం సమకూరుస్తున్న ఈ సినిమాను డివివి ఎంటర్‌టైన్‌మెంట్స్ భారీ బడ్జెట్‌తో నిర్మిస్తోంది. పవన్ కళ్యాణ్ డైనమిక్ పెర్ఫార్మెన్స్‌తో బాక్సాఫీస్ వద్ద సంచలనం సృష్టించేందుకు సిద్ధమవుతున్నారు. శ్రియా రెడ్డి పాత్రకు సంబంధించిన తాజా అప్డేట్ సోషల్ మీడియాలో వైరల్‌గా మారింది. ‘ఓజి’ రిలీజ్ కోసం అభిమానులు ఉత్కంఠతో ఎదురుచూస్తున్నారు.
