BJP: టాలీవుడ్ నటుడు వరుణ్ సందేశ్ తల్లి డా. రమణి రాజకీయ రంగంలోకి అడుగుపెట్టారు. మంగళవారం హైదరాబాద్‌లోని నాంపల్లిలో ఉన్న బీజేపీ రాష్ట్ర కార్యాలయంలో జరిగిన కార్యక్రమంలో ఆమె భారతీయ జనతా పార్టీ (బీజేపీ)లో చేరారు. పార్టీ రాష్ట్ర అధ్యక్షుడు ఎన్. రామచందర్ రావు ఆమెకు కాషాయ కండువా కప్పి ఘనంగా స్వాగతించారు.
డా. రమణి, ఎన్‌ఆర్‌ఐగా అమెరికాలో సామాజిక సేవా కార్యక్రమాల్లో చురుకుగా పాల్గొన్నారు. ఈ సందర్భంగా ఆమె మాట్లాడుతూ, సమాజ సేవ చేయడం నాకు ఎంతో ఇష్టం. అందుకే బీజేపీలో చేరాను అని తెలిపారు. పార్టీ బలోపేతం కోసం తన వంతు కృషి చేస్తానని, ముఖ్యంగా ఎన్‌ఆర్‌ఐ విభాగం ద్వారా మరిన్ని వ్యక్తులను పార్టీలోకి ఆకర్షిస్తానని ఆమె హామీ ఇచ్చారు.
Also Read: Lokesh OG Pawan DSC: సెప్టెంబర్‌ 25.. కూటమిలో రెండు పండుగలు..!
డా. రమణి రాజకీయ ప్రవేశం సినీ, రాజకీయ వర్గాల్లో చర్చనీయాంశంగా మారింది. బీజేపీ నాయకులు ఆమె చురుకైన పాత్ర పోషిస్తారని ఆశాభావం వ్యక్తం చేశారు. ఎన్. రామచందర్ రావు తన ఎక్స్ (ట్విట్టర్) ఖాతాలో ఈ విషయాన్ని పంచుకుంటూ, “డా. రమణి దేశభక్తి, సేవా తపనతో బీజేపీ కుటుంబంలోకి అడుగుపెట్టారు. ఆమెకు హృదయపూర్వక స్వాగతం అని పేర్కొన్నారు.
డా. రమణి రాజకీయ ప్రవేశంతో బీజేపీలో కొత్త ఉత్సాహం నెలకొంది. ఆమె ఎన్‌ఆర్‌ఐ విభాగంలో చురుకైన పాత్ర పోషించి, పార్టీ బలోపేతానికి ఎలాంటి కృషి చేస్తారనేది ఆసక్తికరంగా మారింది. అదే సమయంలో, వరుణ్ సందేశ్ సినీ ప్రయాణం కూడా కొత్త మలుపులతో సాగుతోంది. ఈ తల్లీకొడుకుల రాజకీయ, సినీ రంగాల్లో అడుగులు ఎలాంటి మార్పులు తీసుకొస్తాయో చూడాలి.