Abhishek Sharma: భారత యువ ఓపెనింగ్ బ్యాట్స్‌మెన్ అభిషేక్ శర్మ ఆసియా కప్‌లోని ఒకే టీ20 టోర్నమెంట్‌లో అత్యధిక సిక్సర్లు కొట్టిన ఆటగాడిగా రికార్డు సృష్టించారు. ఈ ఘనతను అతను బంగ్లాదేశ్‌తో జరిగిన సూపర్-4 మ్యాచ్‌లో సాధించారు. ఈ మ్యాచ్‌లో అభిషేక్ శర్మ 5 సిక్సర్లతో మొత్తం తన టోర్నమెంట్ సిక్సర్ల సంఖ్యను 16కి పెంచుకున్నారు. దీని ద్వారా అతను ఇంతకుముందు శ్రీలంక దిగ్గజ క్రికెటర్ సనత్ జయసూర్య పేరిట ఉన్న రికార్డును బద్దలు కొట్టారు. జయసూర్య 2008లో ఆసియా కప్‌లో 14 సిక్సర్లు కొట్టారు. టీ20 అంతర్జాతీయ క్రికెట్‌లో కేవలం 331 బంతుల్లో 50 సిక్సర్లు కొట్టి, ఈ రికార్డును వేగంగా సాధించిన ఆటగాడిగా నిలిచారు.
వెస్టిండీస్ ఆటగాడు ఎవిన్ లూయిస్ (366 బంతులు) రికార్డును అతను అధిగమించారు. బంగ్లాదేశ్‌తో జరిగిన మ్యాచ్‌లో 25 బంతుల్లో అర్ధ సెంచరీ సాధించారు. తన టీ20 కెరీర్‌లో 25 లేదా అంతకంటే తక్కువ బంతుల్లో 50 పరుగులు చేయడం ఇది ఐదోసారి. ఈ రికార్డులో అతను ఇప్పుడు సూర్యకుమార్ యాదవ్ (7), రోహిత్ శర్మ (6) తర్వాత మూడో స్థానంలో ఉన్నారు. పాకిస్థాన్‌తో జరిగిన సూపర్-4 మ్యాచ్‌లో 74 పరుగులు (39 బంతుల్లో) చేసి, ప్లేయర్ ఆఫ్ ది మ్యాచ్ అవార్డును గెలుచుకున్నారు. అభిషేక్ శర్మ ప్రస్తుతం అద్భుతమైన ఫామ్‌లో ఉన్నారు.
ఇది కూడా చదవండి: Kuldeep Yadav: భారత స్పిన్నర్ కుల్దీప్ యాదవ్ అరుదైన రికార్డు
ఆసియా కప్‌లో ఇప్పటివరకు అత్యధిక పరుగులు చేసిన బ్యాటర్‌గా కూడా కొనసాగుతున్నారు. అతని ఈ ప్రదర్శన అతన్ని టీ20 క్రికెట్‌లో భారతదేశ అత్యంత శక్తివంతమైన ఆటగాళ్లలో ఒకరిగా నిలిపింది. ఆసియా కప్ చరిత్రలో ఒకే ఎడిషన్‌లో 15కు పైగా సిక్సర్లు కొట్టిన ఏకైక క్రికెటర్‌గా అభిషేక్ శర్మ నిలవడం విశేషం. శతకం చేసేలా కనిపించిన అభిషేక్, షార్ట్ థర్డ్ మ్యాన్‌లో ఉన్న ఫీల్డర్ రిషాద్ హుస్సేన్ అద్భుతమైన ఫీల్డింగ్‌కు రనౌట్‌గా పెవిలియన్ చేరాడు.