Oily Skin: జిడ్డు చర్మం అనేది చాలామంది ఎదుర్కొనే ఒక సాధారణ సమస్య. చర్మం కింద ఉండే సెబేషియస్ గ్రంథులు ఎక్కువగా నూనెను విడుదల చేయడం వల్ల ఇది వస్తుంది. నుదురు, ముక్కు, గడ్డం వంటి భాగాల్లో ఈ జిడ్డుతనం ఎక్కువగా కనిపిస్తుంది. సరైన జాగ్రత్తలు తీసుకోకపోతే మొటిమలు, బ్లాక్‌హెడ్స్ వంటి సమస్యలు కూడా వచ్చే అవకాశం ఉంది. ఈ సమస్యకు గల కారణాలు, పరిష్కారాలు ఇప్పుడు తెలుసుకుందాం.
జిడ్డు చర్మానికి మాయిశ్చరైజర్లు:
నీటి ఆధారిత మాయిశ్చరైజర్: జిడ్డు చర్మం ఉన్నవారు నీటి ఆధారిత మాయిశ్చరైజర్లను ఎంచుకోవాలి. ఇది మీ చర్మాన్ని జిడ్డుగా మార్చకుండా, ఎప్పుడూ తేమగా ఉంచుతుంది. మార్కెట్‌లో ఆయిల్-ఫ్రీ మాయిశ్చరైజర్లు కూడా దొరుకుతాయి. ఇవి చర్మంపై అదనపు నూనెను పీల్చుకుంటాయి.
యాసిడ్ ఉన్న ఉత్పత్తులు: లాక్టిక్ యాసిడ్ లేదా గ్లైకోలిక్ యాసిడ్ ఉన్న మాయిశ్చరైజర్లు జిడ్డు చర్మానికి చాలా బాగా పనిచేస్తాయి. ఇవి చర్మాన్ని శుభ్రం చేసి, తేమను అందిస్తాయి.
విటమిన్ సి సీరమ్: విటమిన్ సి సీరమ్ కూడా మాయిశ్చరైజర్‌లా పనిచేస్తుంది. ఇది మొటిమలను తగ్గించి, చర్మాన్ని కాంతివంతంగా చేస్తుంది.
Also Read: Black Coffee: బ్లాక్ కాఫీ: మీకు తెలియని ఆరోగ్య రహస్యాలు..!
ఇంట్లో చేసుకునే చిట్కాలు:
సహజ పద్ధతులతో కూడా జిడ్డు చర్మాన్ని తగ్గించుకోవచ్చు:
టమాటా: టమాటా ముక్కతో ముఖంపై రుద్దితే చర్మం తాజా అవుతుంది, జిడ్డు తగ్గుతుంది.
పసుపు: రాత్రి పడుకునే ముందు పసుపును పాలలో కలిపి ముఖానికి రాసుకుంటే జిడ్డు పోతుంది.
మొక్కజొన్న పిండి: ముఖం శుభ్రం చేసుకున్నాక, మొక్కజొన్న పిండిని నీటిలో కలిపి ముఖానికి పూతలా వేసుకుంటే అదనపు జిడ్డు తొలగిపోతుంది.
నిమ్మరసం: నిమ్మరసాన్ని నీటిలో కలిపి, దూదితో ముఖాన్ని తుడిస్తే మురికి పోతుంది, జిడ్డు తగ్గుతుంది.
వంటసోడా: నిమ్మరసంలో బేకింగ్ సోడా కలిపి మొటిమలు ఉన్న చోట రాస్తే మృత కణాలు తొలగిపోతాయి.
గమనిక: ఈ చిట్కాలు కేవలం సమాచారం కోసం మాత్రమే. వీటిని పాటించే ముందు డాక్టర్ సలహా తీసుకోవడం మంచిది.