Love Story: శాయంపేట మండలం ఆరేపల్లికి చెందిన నితీష అనే యువతి, పత్తిపాకకి చెందిన మణిరాజ్‌ అనే యువకుడు ప్రేమలో పాడారు. పెద్దల ఒప్పందం లేకుండానే వారు వారం క్రితం పెళ్లి చేసుకుని ప్రేమను లీగల్ చేసేశారు. ఇక తమ భవిష్యత్తు గోల్గోల కాకుండా ఉండాలని, పోలీసులను ఆశ్రయించి రక్షణ కోరారు.
అక్కడిదాకా బాగుంది.. కానీ ప్లాట్‌లోకి కొత్త క్యారెక్టర్‌కి ఎంట్రీ!
శనిగరం గ్రామానికి చెందిన సముద్రాల బాలరాజు అనే వ్యక్తి, ప్రేమ జంటను తన ఇంట్లో ఆశ్రయం ఇచ్చాడు. ఈ సంగతి విని యువతి బంధువులు ఫుల్ సీరియస్‌… ఏకంగా 50 మంది ఒకేసారి బాలరాజు ఇంటిపై దాడికి వచ్చారు. ఊరికి ఊరు షాక్!
స్టేషన్‌లో స్టన్… పోలీసులకు స్ట్రెస్‌!
ఈ దాడి తర్వాత ప్రేమజంట నల్లబెల్లి పోలీస్ స్టేషన్‌కు పరుగులు పెట్టారు. బాలరాజు కూడా వారితో కలసి వచ్చాడు. పోలీసులు ఇరు కుటుంబాలను పిలిచి కౌన్సిలింగ్‌కు సిద్ధమవుతున్నారన్న సమయంలోనే… మరోసారి యువతి బంధువులు మెరుపు దాడి!
ఆ ఒక్కసారిగా స్టేషన్‌ ఆవరణలో ప్రెజర్‌ కుక్కర్‌ బాంబ్‌ పేలినట్టే!
ఇది కూడా చదవండి: MP Shashi Tharoor: కాంగ్రెస్‌కు థరూర్‌ గుడ్‌బై?.. బీజేపీలో చేరనున్నారా?.. ఎంపీ సమాధానం ఇదే
ప్రేమజంటను ఈడ్చుకుపోయేందుకు ప్రయత్నిస్తూ, పోలీసులపై పూల కుండీలు విసిరేశారు. ఆందోళనలో ఇద్దరు మహిళా పోలీసులు గాయపడ్డారు – స్వర్ణ, స్వాతి. వెంటనే వారిని ఆసుపత్రికి తరలించాల్సి వచ్చింది.
సినిమాల్లో చూసినట్టే కానీ ఇది నిజం!
ప్రేమకు ముద్దుల ముగింపు కావాలని ఆ జంట ఆశించగా… స్టేషన్‌కు వచ్చిన వారివల్ల బీట్‌ బాక్స్‌కు బూతుల బ్యాక్‌గ్రౌండ్ మ్యూజిక్‌, గద్దల దాడులకు కోర్ట్ ఆర్డర్‌ల బదులు గుద్దుల తీర్పులు పడ్డాయి!
దాడికి పాల్పడిన వారిపై కేసులు నమోదు
దుగ్గొండి సీఐ సాయి రమణ స్వయంగా రంగప్రవేశం చేసి, ఘటనను విచారించారు. గుర్తింపు వచ్చిన కొందరిపై కేసులు నమోదయ్యాయి.పెళ్లయిన జంట మేజర్లే అయినా, కులాల వ్యవహారం మధ్యలో రావడంతో ఈ తంతా జఠిలమైంది.
కౌన్సిలింగ్‌ కాకుండా ఫైటింగ్‌!
పెద్దల సమ్మతి లేకపోయినా.. ఇద్దరూ మేజర్లే కాబట్టి పోలీసులు జంటను రక్షించి సురక్షిత ప్రాంతానికి తరలించారు. కానీ ఇక్కడ అసలైన ప్రశ్న – ప్రేమకు మనం ఇంకా అంత వెనక్కేనా? పోలీస్ స్టేషన్‌లో జరిగే కౌన్సిలింగ్‌ కన్నా బంధువుల బలవంతాలే ఎక్కువగా పనిచేస్తున్నాయా?