Nissan India : జపాన్‌కు చెందిన నిస్సాన్ కంపెనీ భారతదేశంలో కొత్త కార్లు విడుదల చేయడానికి సిద్ధమైంది. ప్రస్తుతం మార్కెట్లో మాగ్నైట్ మాత్రమే విక్రయిస్తున్న నిస్సాన్, త్వరలో రెండు కొత్త వాహనాలను ప్రవేశపెట్టనుంది. యోకోహామాలో జరిగిన గ్లోబల్ ప్రొడక్ట్ ఎక్స్‌పోలో, ఈ రెండు కొత్త మోడళ్లను ప్రదర్శించింది.
ఈ కంపెనీ రెనాల్ట్ ట్రైబర్ ఆధారంగా ఒక కొత్త 7-సీటర్ MPVను విడుదల చేయనుంది. ఇది ట్రైబర్‌తో కొన్ని లక్షణాలను పంచుకున్నప్పటికీ, కొత్త డిజైన్ ఫీచర్లతో మార్కెట్లోకి రానుంది. శక్తివంతమైన 1.0L టర్బో పెట్రోల్ ఇంజిన్ అందించబడే అవకాశం ఉంది. ఈ MPV భారత మార్కెట్లో మారుతి ఎర్టిగాకు గట్టిపోటీనిచ్చేలా ఉండనుంది.
Also Read: ChatGPT Ghibli Magic: మళ్లీ ట్రెండింగ్ అవుతున్న ChatGPT.. జపనీస్ స్టైల్ లో ఫొటోస్
Nissan India: అలాగే, నిస్సాన్ హ్యుందాయ్ క్రెటాకు పోటీగా ఒక కొత్త కాంపాక్ట్ SUVని విడుదల చేయాలని ప్లాన్ చేస్తోంది. ఇది అధునాతన ఫీచర్లు, హైబ్రిడ్ ఇంజిన్ ఎంపికతో వచ్చే అవకాశం ఉంది. కంపెనీ ప్రకారం, ఈ SUV 2027 నాటికి మార్కెట్లోకి రానుంది.
ఇంకా, నిస్సాన్ 2025-26 ఆర్థిక సంవత్సరంలో మొత్తం నాలుగు కొత్త కార్లను విడుదల చేయనున్నట్లు ప్రకటించింది. దీనిలో 7-సీటర్ MPV, కొత్త SUVతో పాటు మరిన్ని వాహనాలు ఉండనున్నాయి. భారత మార్కెట్లో తన స్థానం బలపడేలా నిస్సాన్ ఈ కొత్త వాహనాలను అందుబాటులోకి తీసుకురావాలని లక్ష్యంగా పెట్టుకుంది.