Shubman Gill: టీమిండియా కెప్టెన్‌గా శుభ్‌మాన్ గిల్ ప్రయాణం విజయంతో ప్రారంభం కాకపోవచ్చు. కానీ బ్యాట్స్‌మన్‌గా అతని ఆట అందరి హృదయాలను గెలుచుకుంది. కెప్టెన్ కాకముందు, ఈ ఇంగ్లాండ్ పర్యటనకు ముందు గిల్ టెస్ట్ రికార్డు ప్రశ్నార్థకంగా ఉంది. ఇంగ్లాండ్‌లో గిల్ ఒక్క సెంచరీ కూడా చేయలేదు. కానీ ఇప్పుడు గిల్ కేవలం 4 ఇన్నింగ్స్‌లలో దాదాపు 600 పరుగులు చేయడం ద్వారా తన సామర్థ్యం గురించి లేవనెత్తిన ప్రతి ప్రశ్నకు సమాధానం ఇచ్చాడు. ఈ క్రమంలో గొప్ప బ్యాట్స్‌మన్ బ్రాడ్‌మాన్ రికార్డును గిల్ బద్దలు కొడతాడా అనే వాదనలు తెరపైకి వచ్చాయి.
ఈ సిరీస్ ప్రారంభానికి ముందు ఈ 5 టెస్ట్ మ్యాచ్‌లలో తాను అత్యుత్తమ బ్యాట్స్‌మన్‌గా ఉండాలని కోరుకుంటున్నానని శుభ్‌మాన్ గిల్ చెప్పాడు. లీడ్స్, ఎడ్జ్‌బాస్టన్‌లో జరిగిన మొదటి 2 టెస్టుల్లో డబుల్ సెంచరీతో సహా 3 సెంచరీలు సాధించడం ద్వారా గిల్ ఇప్పటివరకు దీనిని నిరూపించాడు. ఈ పర్యటనకు ముందు గిల్ తన టెస్ట్ కెరీర్‌లో 59 ఇన్నింగ్స్‌లు ఆడాడు, అందులో అతని బ్యాట్‌తో కేవలం 1893 పరుగులు మాత్రమే సాధించాడు. డిసెంబర్ 2020లో టెస్ట్ అరంగేట్రం చేసిన గిల్, దాదాపు 5ఏళ్లలో 2వేల పరుగులు కూడా పూర్తి చేయలేకపోయాడు. కానీ ఇంగ్లాండ్‌లో అతడి ఆట మారిపోయింది.
ఇది కూడా చదవండి: Jamie Smith: చరిత్ర సృష్టించిన ఇంగ్లాండ్ వికెట్ కీపర్ జామీ స్మిత్
లీడ్స్ టెస్టులో సెంచరీ చేసిన గిల్, ప్రస్తుతం జరుగుతున్న ఎడ్జ్‌బాస్టన్ టెస్టులో తొలి ఇన్నింగ్స్‌లో డబుల్ సెంచరీ, రెండో ఇన్నింగ్స్‌లో సెంచరీ సాధించి సంచలనం సృష్టించాడు. ఈ విధంగా అతను ఇప్పటివరకు సిరీస్‌లో కేవలం 4 ఇన్నింగ్స్‌లలో 585 పరుగులు చేశాడు. ఈ సిరీస్‌లో గిల్ ఎలాంటి బ్యాటింగ్ చేశాడో చెప్పడానికి ఇది చాలు. గిల్ ఇప్పటికే చాలా రికార్డులను బద్దలు కొట్టాడు. ఇప్పుడు అతను ఒక సిరీస్‌లో అత్యధిక పరుగులు చేసి ఆస్ట్రేలియన్ గ్రేట్ బ్యాట్స్‌మెన్ బ్రాడ్‌మాన్ రికార్డును బద్దలు కొట్టగలడా? అనే ప్రశ్న తలెత్తుతుంది.
క్రికెట్ చరిత్రలో 99.94 సగటు ఉన్న ఏకైక బ్యాట్స్‌మన్ అయిన బ్రాడ్‌మన్.. దాదాపు 95ఏళ్ల క్రితం 1930లో ఇంగ్లాండ్‌తో జరిగిన సిరీస్‌లో 974 పరుగులు చేశాడు. బ్రాడ్‌మాన్ రికార్డును నేటికీ ఏ బ్యాట్స్‌మన్ బద్దలు కొట్టలేకపోయారు. చాలా మంది బ్యాట్స్‌మెన్ ఈ రికార్డుకు దగ్గరగా వచ్చారు.. కానీ ఎవరూ 900 పరుగుల మార్కును దాటలేకపోయారు. ఈ టెస్ట్ సిరీస్‌లో ఇంకా 3 మ్యాచ్‌లు మిగిలి ఉన్నాయి. అటువంటి పరిస్థితిలో, గిల్‌కు 6 ఇన్నింగ్స్‌లు ఆడే అవకాశం ఉంటుంది. ఈ 6 ఇన్నింగ్స్‌లలో గిల్ 389 పరుగులు చేస్తే, అతను బ్రాడ్‌మాన్ రికార్డును బద్దలు కొడతాడు. గిల్ ఈ ఘనత సాధిస్తాడా లేదా అన్నది వెయిట్ అండ్ సీ..
ఇది కూడా చదవండి
Jamie Smith: చరిత్ర సృష్టించిన ఇంగ్లాండ్ వికెట్ కీపర్ జామీ స్మిత్
Suresh Raina: సినిమా రంగంలోకి దూసుకొస్తున్న క్రికెట్ స్టార్ సురేష్ రైనా!
Vitamin B12 Rich Foods: శరీరంలో విటమిన్ బి 12 లోపం ఉందా ? అయితే ఇవి తినండి
Beetroot Juice Benefits: బీట్‌ రూట్‌ జ్యూస్‌ రోజు తాగితే కలిగే ప్రయోజనాలు ఇవ్వే.