War 2: పాన్ ఇండియా సినిమా వార్ 2 విడుదల సమీపిస్తుండటంతో పోస్ట్ ప్రొడక్షన్ పనులు హైస్పీడ్‌లో సాగుతున్నాయి. హృతిక్ రోషన్ హీరోగా, ఎన్టీఆర్ కీలక పాత్రలో నటిస్తున్న ఈ చిత్రం భారత వ్యాప్తంగా గ్రాండ్ రిలీజ్‌కు సిద్ధమవుతోంది. యశ్ రాజ్ ఫిల్మ్స్ ఉత్తర భారతదేశంలో భారీ విడుదలకు ప్లాన్ చేస్తుండగా, తెలుగు రాష్ట్రాల్లో ఎన్టీఆర్ క్రేజ్‌తో బిగ్ రిలీజ్ ఖాయమని తెలుస్తోంది. అయితే, తమిళనాడులో రజనీకాంత్ చిత్రం కూలీతో పోటీ కారణంగా థియేటర్లు దక్కడం కష్టంగా మారింది.
సినిమా సూపర్ హిట్ అయితేనే రెండో వారం నుంచి కలెక్షన్స్ ఆశించవచ్చని ఇండస్ట్రీ వర్గాలు చెబుతున్నాయి. తెలుగులో కొన్ని ప్రాంతాల్లో సినిమా హక్కులు అమ్మగా, మరికొన్ని చోట్ల నిర్మాతలే నేరుగా రిలీజ్ చేస్తున్నారు. ప్రముఖ నిర్మాత దిల్ రాజు ఉత్తరాంధ్ర హక్కులను సొంతం చేసుకున్నారు. సింగిల్ స్క్రీన్ థియేటర్లను ముందస్తుగా బుక్ చేస్తూ మేకర్స్ జోరు చూపిస్తున్నారు.
Also Read: Neel – NTR: ప్రశాంత్ నీల్ – ఎన్టీఆర్ భారీ ప్రాజెక్ట్: టెంపుల్ సెట్‌లో ఇంటర్వెల్ మాస్ బ్లాక్‌బస్టర్!
War 2: ఎన్టీఆర్ క్రేజ్‌తో తెలుగులో రూ.250 కోట్ల వసూళ్లు సాధించే అవకాశముందని అంచనా. కియారా అద్వానీ హీరోయిన్‌గా నటిస్తుండగా, ఎన్టీఆర్ పాత్రపై నందమూరి అభిమానుల్లో భారీ అంచనాలు నెలకొన్నాయి. టీజర్ అంతగా ఆకట్టుకోనప్పటికీ, సినిమా మాత్రం అంచనాలను మించుతుందని నిర్మాతలు ధీమాగా ఉన్నారు. తెలుగు రాష్ట్రాల్లో గ్రాండ్ ప్రీ-రిలీజ్ ఈవెంట్‌కు సన్నాహాలు జరుగుతున్నాయి.