International: అదానీపై మోసం, లంచం తీసుకున్న కేసులో అమెరికా భారత ప్రభుత్వం నుండి సహాయం కోరింది. లంచం కేసులో గౌతమ్ అదానీ, సాగర్ అదానీలకు నోటీసులు అందజేయడానికి ప్రయత్నాలు జరుగుతున్నాయని యుఎస్ సెక్యూరిటీస్ అండ్ ఎక్స్ఛేంజ్ కమిషన్ (SEC) న్యూయార్క్‌లోని ఫెడరల్ కోర్టుకు తెలిపింది. పారిశ్రామికవేత్త గౌతమ్ అదానీ, ఆయన మేనల్లుడు సాగర్ అదానీ భారతదేశంలోనే ఉన్నారని SEC మంగళవారం కోర్టుకు తెలిపింది. వారికి నోటీసు అందించడానికి భారత అధికారుల సహాయం కోరినట్లు కోర్టుకు తెలిపారు. దీనికోసం భారత న్యాయ మంత్రిత్వ శాఖను సంప్రదిస్తున్నామని అధికారులు చెప్పారు.
వాస్తవానికి, వ్యాపారవేత్త గౌతమ్ అదానీతో సహా 8 మంది భారతదేశంలో పునరుత్పాదక ఇంధన ప్రాజెక్టులను మోసపూరితంగా సంపాదించారని ఆరోపణలు ఎదుర్కొంటున్నారు. ఈ ప్రాజెక్టును పొందడానికి, అతను రూ. 2 వేల కోట్లు లంచం ఇవ్వాలని ప్లాన్ చేశాడు. ఈ కేసులో, 24 అక్టోబర్ 2024న న్యూయార్క్ ఫెడరల్ కోర్టులో ఒక కేసు దాఖలు అయింది.
ఈ మోసం కేసు అదానీ గ్రూప్ కంపెనీ అదానీ గ్రీన్ ఎనర్జీ లిమిటెడ్, మరొక సంస్థకు సంబంధించినది. అదానీతో సహా ఇతరులు అమెరికన్ పెట్టుబడిదారులకు, బ్యాంకులకు అబద్ధాలు చెప్పి డబ్బు వసూలు చేశారని ఆరోపణ. ఆ తర్వాత, ఆ ప్రాజెక్టును పొందడానికి, అతను ప్రభుత్వ అధికారులకు $250 మిలియన్లు, అంటే దాదాపు రూ.2,029 కోట్లు లంచం ఇవ్వాలని ప్లాన్ చేసినట్లు అభియోగాలు ఉన్నాయి.
ఇది కూడా చదవండి: Viral News: స్నేహితుల మధ్య చిచ్చు పెట్టిన కోడి.. అధికారులు ఏం చేశారంటే!
అయితే, చార్జిషీట్ ప్రకారం, ఇది అమెరికా విదేశీ అవినీతి పద్ధతుల చట్టం (FCPA) ఉల్లంఘన. ప్రత్యేక విషయం ఏమిటంటే, అమెరికా న్యాయ శాఖ డాక్యుమెంట్ లో మాత్రం ఈ కేసుకు సంబంధించి లంచం ఇవివాదానికి ప్లాన్ చేశారని మాత్రమే పేర్కొన్నారు. లంచం ఇచ్చారని చెప్పలేదు. ఈ కేసును 20 నవంబర్ 2024న కోర్టులో విచారించగా విషయం వెలుగులోకి వచ్చింది.
అదానీ గ్రూప్ అన్ని ఆరోపణలను నిరాధారమైనవని పేర్కొంది. నవంబర్ 21న విడుదల చేసిన ఒక ప్రకటనలో, ‘అదానీ గ్రీన్ ఎనర్జీ లిమిటెడ్ డైరెక్టర్లపై యునైటెడ్ స్టేట్స్ డిపార్ట్‌మెంట్ ఆఫ్ జస్టిస్, యునైటెడ్ స్టేట్స్ సెక్యూరిటీస్ అండ్ ఎక్స్ఛేంజ్ కమిషన్ చేసిన ఆరోపణలు నిరాధారమైనవి. మేము వాటిని ఖండిస్తున్నామంటూ అదానీ గ్రూప్ పేర్కొంది.
ఈ వార్త వెలువడిన తర్వాత, అదానీ నికర విలువ రూ.1.02 లక్షల కోట్లు తగ్గింది. ఇంతలో, కెన్యా అదానీ గ్రూప్‌తో విద్యుత్ ప్రసారం, విమానాశ్రయ విస్తరణ ఒప్పందాన్ని రద్దు చేసుకుంది. రెండు ఒప్పందాల విలువ రూ.21,422 కోట్లు.