America: కెనడపై విమర్శలు చేశారు అమెరికా కాబోయే అధ్యక్షుడు డొనాల్డ్ ట్రంప్. వలసలు, డ్రగ్స్ అక్రమ రవాణాను సరిహద్దుల్లోనే కట్టడి చేస్తారా? లేదంటే అమెరికాలో 51వ రాష్ట్రంగా చేరుతారా? అంటూ కెనడా ప్రధాని జస్టిస్ ట్రూడోకు అమెరికా చురకలు అంటించారు. ఇటీవల అధ్యక్ష బాధ్యతలు చేపట్టిన అనంతరం కెనడా, మెక్సికోలపై 25 శాతం సుంకం విధించనున్నట్టు ట్రంప్ ప్రకటించారు. దీంతో కలవరపాటుకు గురైన కెనడా ప్రధాని జస్టిన్ ట్రూడో వెంటనే అమెరికాలో వాలిపోయి ట్రంప్‌కు చెందిన మార్-ఎ-లాగో రిసార్ట్‌లో ఆయనతో ప్రత్యేకంగా భేటీ అయ్యారు.
వలసలు, డ్రగ్స్ అక్రమ రవాణాను సరిహద్దుల్లోనే కట్టడం చేయాలని, లేదంటే సుంకాలు పెంచాల్సి వస్తుందని ఈ సందర్భంగా ట్రూడోను ట్రంప్ హెచ్చరించారు. అంతేకాదు, ఈ విషయంలో విఫలమైతే అమెరికాలో 51వ రాష్ట్రంగా చేరాలని చురక అంటించారు.