CP Radhakrishnan: భారత ఉపరాష్ట్రపతి శ్రీ సీపీ రాధాకృష్ణన్ గారు పుట్టపర్తిలోని శ్రీ సత్యసాయి ఇన్‌స్టిట్యూట్ ఆఫ్ హయ్యర్ లెర్నింగ్ యొక్క 44వ స్నాతకోత్సవంలో ముఖ్యఅతిథిగా పాల్గొన్నారు. ఈ సందర్భంగా ఆయన ప్రసంగిస్తూ, సత్యసాయి బాబా ఆశీస్సులతో భారతదేశం 2047 నాటికి ప్రపంచంలోనే అగ్రస్థానానికి చేరుకుంటుందని ఆశాభావం వ్యక్తం చేశారు. ఈ విద్యాసంస్థ స్నాతకోత్సవంలో పాల్గొనడం తనకు దక్కిన గౌరవంగా భావిస్తున్నానని ఆయన తెలిపారు.
విద్యాసంస్థ గొప్పదనం, విలువలకు ప్రాధాన్యత
సత్యసాయి విద్యాసంస్థ విద్యార్థులకు కేవలం చదువును మాత్రమే కాకుండా, క్రమశిక్షణ, వ్యక్తిత్వ వికాసం, నైతిక విలువలను నేర్పే కేంద్రంగా విలసిల్లుతోందని ఉపరాష్ట్రపతి ప్రశంసించారు. మానవ జీవితాలు యాంత్రికంగా మరియు ఆధ్యాత్మికంగా సాగుతున్న ఈ రోజుల్లో, ఈ సంస్థ విద్యార్థులను సరైన మార్గంలో నడిపిస్తోందని అన్నారు. జీవితంలో ప్రతి రోజూ చాలా కీలకం అని, విద్యార్థులు ప్రతి క్షణాన్ని సద్వినియోగం చేసుకోవాలని ఆయన సూచించారు.
Also Read: CM Chandrababu: సత్యసాయి సేవ, సిద్ధాంతాలు ప్రపంచానికి ఆదర్శం: సీఎం చంద్రబాబు
నాయకులుగా ఎదగనున్న విద్యార్థులు
నవంబర్ 22 విశిష్టత గురించి ముఖ్యమంత్రి గారు చెప్పగానే ఈ కార్యక్రమానికి వస్తానని చెప్పానని ఉపరాష్ట్రపతి తెలిపారు. ఇప్పటికే దేశంలోని ముగ్గురు ప్రముఖులు పుట్టపర్తిని సందర్శించారని గుర్తు చేశారు. సమాజ సేవ కోసం సత్యసాయిబాబా నాయకులను తయారు చేశారని ఆయన అన్నారు. ఈ సందర్భంగా మంత్రి నారా లోకేశ్‌ గారు విద్యార్థులను రాజకీయాల్లోకి రావాలని ఆహ్వానించినప్పుడు, వారంతా దానిని స్వాగతించడం చూసి ఆశ్చర్యపోయానని, విద్యార్థులు భవిష్యత్తులో దేశ నాయకులుగా ఎదుగుతారనడానికి ఇదే నిదర్శనమని ఆయన పేర్కొన్నారు. విద్యార్థులను ఉత్తమంగా తీర్చిదిద్దుతున్న అధ్యాపకులను ఉపరాష్ట్రపతి ఈ సందర్భంగా అభినందించారు.