India A: భారత యువ ప్లేయర్లు సాయి సుదర్శన్ 96 నాటౌట్, దేవదత్ పడిక్కల్ 80 నాటౌట్ గా నిలవడంతో ఆస్ట్రేలియా- ఎ జట్టుతో జరుగుతున్న తొలి అనధికార టెస్టులో భారత్- ఎ పట్టు బిగిసింది. వీరిద్దరి జోరుతో రెండో రోజు ఆట ముగిసే సరికి భారత్- ఎ రెండో ఇన్నింగ్స్‌లో 2 వికెట్ల నష్టానికి 208 పరుగులు చేసి విజయంపై ఆశలు పెంచుకుంది. అభేద్యమైన మూడో వికెట్‌కు ఈ జోడీ 178 పరుగుల భాగస్వామ్యం నమోదు చేసింది. ప్రస్తుత భారత యువ జట్టు 120 పరుగుల ఆధిక్యంలో ఉంది. తొలి ఇన్నింగ్స్‌లో భారత్ 107 పరుగులకే కుప్పకూలగా..భారత బౌలర్లు ముకేశ్ కుమార్ 6 వికెట్లతో చెలరేగడంతో ఆసీస్ యువజట్టు 195 పరుగులకు ఆలౌటైంది. మరో భారత పేసర్‌ ప్రసిద్ధ్‌ కృష్ణ 3 వికెట్లు తీసుకున్నాడు.
ఇది కూడా చదవండి: WI vs ENG: ఇంగ్లండ్ కు షాక్… తొలి వన్డే వెస్టిండీస్ దే