Sai Pallavi: ‘బలగం’ సినిమాతో దర్శకుడిగా తన సత్తా చాటాడు వేణు యెల్దండి. పక్కా ఎమోషనల్ కథగా ‘బలగం’ సినిమా ప్రేక్షకులను ఎంతగానో కట్టిపడేసింది. ఇక తన నెక్స్ట్ చిత్రాన్ని తెరకెక్కించేందుకు ఈ డైరెక్టర్ సిద్ధమవుతున్నాడు. ఈ సినిమాని ‘ఎల్లమ్మ’ అనే టైటిల్‌తో తెరకెక్కించబోతున్నట్లు వేణు గతంలోనే వెల్లడించాడు. ఇక ఈ మూవీలో నితిన్ హీరోగా నటించబోతున్నట్లు కన్ఫర్మ్ చేశారు.అయితే, ఈ సినిమాలో హీరోయిన్‌గా సాయి పల్లవి నటించబోతున్నట్లు గత కొద్ది రోజులుగా వార్తలు వినిపిస్తున్నాయి. కథ నచ్చడంతో సాయి పల్లవి కూడా గ్రీన్ సిగ్నల్ ఇచ్చిందని తెలిసింది. ఈ మూవీ షూటింగ్‌ను ఈ ఏడాది చివరి నాటికి ప్రారంభించాలని మేకర్స్ భావిస్తున్నారట. అయితే, ఆ సమయంలో సాయి పల్లవి ఖాళీగా లేదని.. అందుకే ఈ సినిమాకు ఆమె నో చెప్పిందనే టాక్ బలంగా వినిపిస్తోంది.దీంతో ‘ఎల్లమ్మ’ మేకర్స్ కూడా సాయి పల్లవి బదులు వేరొక హీరోయిన్ కోసం వెతుకుతున్నారట.
