Ramdev baba: యోగా గురువు బాబా రామ్దేవ్ ఒక జాతీయ టీవీ ఛానల్ లైవ్ డిబేట్లో ప్యానెలిస్ట్తో కుస్తీకి దిగిన ఘటన ప్రస్తుతం సోషల్ మీడియాలో వైరల్గా మారింది. ఈ వీడియోపై నెటిజన్లు పెద్ద ఎత్తున స్పందిస్తూ ట్రోల్స్ చేస్తున్నారు.
వివరాల్లోకి వెళితే.. అమర్ ఉజాలా టీవీ ఛానల్ నిర్వహించిన లైవ్ చర్చా కార్యక్రమంలో ఈ సంఘటన చోటుచేసుకుంది. చర్చ జరుగుతున్న సమయంలో తన శారీరక దృఢత్వాన్ని ప్రదర్శించాలనే ఉద్దేశంతో రామ్దేవ్ బాబా, తన ఎదురుగా ఉన్న ప్యానెలిస్ట్పై ఓ కుస్తీ ఎత్తుగడ ప్రయోగించేందుకు ప్రయత్నించారు.
అయితే, ఆ ప్యానెలిస్ట్ కూడా వెంటనే స్పందించి రామ్దేవ్ ప్రయత్నాన్ని అడ్డుకునే యత్నం చేశారు. దీంతో ప్యానెలిస్ట్ను కిందపడేయడంలో బాబా రామ్దేవ్ విఫలమయ్యారు. ఈ దృశ్యాలు కెమెరాల్లో రికార్డ్ కావడంతో వీడియో నిమిషాల్లోనే సోషల్ మీడియాలో వైరల్ అయింది.
ఈ ఘటనపై స్పందించిన రామ్దేవ్ బాబా, అదంతా కేవలం సరదా కోసం మాత్రమే చేశానని, దీన్ని సీరియస్గా తీసుకోవద్దని వివరణ ఇచ్చారు. అయితే, నెటిజన్లు మాత్రం దీనిని వదలకుండా తమదైన శైలిలో సెటైర్లు వేస్తున్నారు.
“రామ్దేవ్ వేసిన ఎత్తుగడ ఆయనకే రివర్స్ అయింది” అంటూ కొందరు కామెంట్లు చేస్తుండగా, మరికొందరు “పతంజలి నెయ్యి తింటే ఇలాగే జరుగుతుంది”, “స్కామ్దేవ్” అంటూ ట్రోల్స్ చేస్తున్నారు.
మరోవైపు, టీవీ ఛానళ్లు రేటింగ్స్ కోసం చర్చా కార్యక్రమాలను కుస్తీ పోటీలుగా మార్చుతున్నాయంటూ మీడియా విశ్లేషకులు విమర్శలు చేస్తున్నారు. చర్చల స్థాయి పడిపోతుందన్న ఆందోళనను పలువురు వ్యక్తం చేస్తున్నారు.