Hyderabad Rains: గత రెండు రోజులుగా హైదరాబాద్‌ను భారీ వర్షాలు ముంచెత్తుతున్నాయి. సాయంత్రం వేళల్లో మొదలవుతున్న ఈ వర్షాలు నగర ప్రజలకు తీవ్ర ఇబ్బందులు కలిగిస్తున్నాయి. నిన్నటి కుండపోత వర్షం తర్వాత, ఈరోజు కూడా వరుణుడు తన ప్రతాపం చూపిస్తున్నాడు.
మరో రెండు గంటలు భారీ వర్షం!
నగరంలో ఒక్కసారిగా వాతావరణం మారిపోయి పలు ప్రాంతాల్లో భారీ వర్షం మొదలైంది. వాతావరణ శాఖ తెలిపిన వివరాల ప్రకారం, రాబోయే రెండు గంటల పాటు నగరవ్యాప్తంగా మోస్తారు నుంచి భారీ వర్షాలు కురిసే అవకాశం ఉంది.
ఏ ఏ ప్రాంతాల్లో వర్షం?
భారీ వర్షం: ప్రస్తుతం పంజాగుట్ట, ఖైరతాబాద్, లకిడికాపూల్, నాంపల్లి, సెక్రటేరియట్ పరిసర ప్రాంతాల్లో భారీ వర్షం కురుస్తోంది.
మోస్తరు వర్షం: బషీర్బాగ్, అబిడ్స్, కోఠి, హిమాయత్ నగర్ వంటి ప్రాంతాల్లో మోస్తరు వర్షం పడుతోంది.
తేలికపాటి వర్షం: ఎల్బీనగర్, ఉప్పల్, హయత్ నగర్ వంటి శివారు ప్రాంతాల్లో తేలికపాటి నుంచి మోస్తరు వర్షం కొనసాగుతోంది.
ఈ అకాల వర్షాల కారణంగా లోతట్టు ప్రాంతాలు జలమయం అయ్యే అవకాశం ఉంది. నగరవాసులు అవసరమైతే తప్ప బయటకు రావద్దని అధికారులు సూచిస్తున్నారు. ట్రాఫిక్ ఇబ్బందులు ఎదురయ్యే అవకాశం ఉన్నందున ప్రయాణాలు వాయిదా వేసుకోవడం మంచిది.