NTR – Neel: ప్రశాంత్ నీల్ – ఎన్టీఆర్ కాంబినేషన్ లో రాబోతున్న సినిమా పై రోజుకొక వార్త వినిపిస్తోంది. తాజాగా ఈ సినిమా వచ్చే వారం నుంచి రెగ్యులర్‌ షూట్ స్టార్ట్ కానున్నట్లు తెలుస్తోంది. అయితే, ఈ తొలి షెడ్యూల్‌లో తారక్‌ లేని సీన్స్ ని చిత్రీకరించనున్నారని.. మార్చి నుంచి ఎన్టీఆర్ సెట్స్‌లోకి అడుగు పెడతారని తెలుస్తోంది. ప్రస్తుతం రామోజీ ఫిల్మ్‌ సిటీలో ఓల్డ్‌ కోల్‌కతా బ్యాక్‌డ్రాప్‌లో ఓ స్పెషల్ సెట్‌ను రెడీ చేస్తున్నారు. ఈ సెట్ లోనే ఈ సినిమా రెండో షెడ్యూల్‌ స్టార్ట్ కాబోతుంది. ఈ మాస్‌ యాక్షన్‌ డ్రామాలో ఎన్టీఆర్‌కు జోడీగా రుక్మిణీ వసంత్‌ రొమాన్స్ చెయ్యనుంది. అలాగే ఈ సినిమాలో మలయాళ యువ హీరో టొవినో థామస్‌ కీలక పాత్రలో నటించనున్నాడు. ఈ సినిమా వచ్చే ఏడాది జనవరి 9న ప్రేక్షకుల ముందుకు రాబోతుంది. మైత్రీ మూవీ మేకర్స్, ఎన్టీఆర్ ఆర్ట్స్‌ సంస్థలు సంయుక్తంగా నిర్మిస్తున్నాయి.
