Rajeev Kanakala: సినీ నటుడు, యాంకర్ సుమ భర్త రాజీవ్ కనకాలకు రాచకొండ పోలీసులు నోటీసులు జారీ చేశారు. పెద్ద అంబర్‌పేట్ మున్సిపాలిటీ పసుమాముల ప్రాంతంలోని సర్వే నంబర్ 421లో ఉన్న వివాదాస్పద ప్లాట్ విక్రయంపై ఈ చర్య తీసుకున్నారు.
ఏం జరిగింది?
రాజీవ్ కనకాల తనకు సంబంధించిన ఆ ప్లాట్‌ను టాలీవుడ్ సినీ నిర్మాత విజయ్ చౌదరికి విక్రయించారు. ఆ తర్వాత విజయ్ చౌదరి అదే ప్లాట్‌ను మరో వ్యక్తికి రూ.70 లక్షలకు అమ్మేశారు. రిజిస్ట్రేషన్ సమయంలో ఆ ప్లాట్ అసలు లేనిది అని విషయం బయటపడింది.
బాధితుల ఆరోపణలు
తాము మోసపోయామని గ్రహించిన బాధితుడు హయత్‌నగర్ పోలీసులకు ఫిర్యాదు చేశాడు. విచారణలో విజయ్ చౌదరి, తాను కూడా ఆ ప్లాట్‌ను రాజీవ్ కనకాల వద్ద కొనుగోలు చేసానని తెలిపాడు. “రాజీవ్ కనకాల లేని ప్లాట్‌ను ఉన్నట్లు చూపించి మోసం చేశాడు” అని ఆయన ఆరోపించారు.
పోలీసుల చర్య
ఈ కేసులో భాగంగా రాచకొండ కమిషనరేట్ పోలీసులు రాజీవ్ కనకాలను విచారణకు హాజరుకావాలని నోటీసులు పంపారు.