Pawan Kalyan: ఆంధ్రప్రదేశ్‌లో త్వరలో జరగనున్న స్థానిక సంస్థల (పంచాయతీ, మున్సిపల్) ఎన్నికలను ఉప ముఖ్యమంత్రి, జనసేన అధినేత పవన్ కళ్యాణ్ అత్యంత ప్రతిష్టాత్మకంగా తీసుకున్నారు. సార్వత్రిక ఎన్నికల్లో తిరుగులేని విజయం సాధించిన జోష్‌ను స్థానిక సమరంలోనూ కొనసాగించాలని, గ్రామ స్థాయి నుంచి పార్టీని శాశ్వతంగా బలోపేతం చేసుకోవడానికి ఇదే సరైన సమయమని ఆయన భావిస్తున్నారు. పార్టీ కోసం క్షేత్రస్థాయిలో కష్టపడిన అసలైన కార్యకర్తలు, నాయకులకు ఈ ఎన్నికల్లో టిక్కెట్లు ఇచ్చి ప్రోత్సహించేలా వ్యూహాత్మక అడుగులు వేస్తున్నారు.
ప్రతి పార్లమెంట్ పరిధిలో ముగ్గురు కీలక నేతలతో పాటు, అందులోని ప్రతి అసెంబ్లీ నియోజకవర్గం నుంచి ముగ్గురు చొప్పున నాయకులను ఈ కమిటీల్లో సభ్యులుగా నియమించారు. వీరికి క్షేత్రస్థాయిలో చేదోడువాదోడుగా ఉండేందుకు ‘నిర్వాహక్ దళ్’ను కూడా ఏర్పాటు చేశారు.
-
ఎన్నికల నిర్వహణ & మార్గదర్శక కమిటీ (Election Management & Guidance Committee)
-
కూటమి సమన్వయ కమిటీ (Alliance Coordination Committee) – టీడీపీ, బీజేపీతో సీట్ల సర్దుబాటు, స్థానిక సమస్యల పరిష్కారం కోసం.
-
ప్రచార కమిటీ (Campaign Committee)
-
ట్రెజరీ / ఆర్థిక కమిటీ (Treasury Committee)
‘ఫ్రెండ్లీ కంటెస్ట్’ ప్రతిపాదన – కూటమికి నష్టం లేకుండా వ్యూహం..
-
కొన్ని ప్రాంతాల్లో రెండు పార్టీల కేడర్ బలంగా ఉన్నచోట అంతర్గత విభేదాలు రాకుండా ‘ఫ్రెండ్లీ కంటెస్ట్’ (స్నేహపూర్వక పోటీ) చేసే అంశంపైనా చర్చలు జరుపుతున్నారు.
-
సుప్రీంకోర్టులో బీసీ రిజర్వేషన్ల పిటిషన్ పరిష్కారం కావడంతో.. రిజర్వేషన్ల ఖరారు అనంతరం రాష్ట్ర ఎన్నికల సంఘం రాజకీయ పార్టీలతో సమావేశం కానుంది. ఆ వెంటనే ఎన్నికల నోటిఫికేషన్ వెలువడే అవకాశం ఉండటంతో ముందస్తుగానే సర్వసన్నద్ధమయ్యారు.
జనసేనకు, పవన్ కళ్యాణ్‌కు ఈ ఎన్నికలు ఎందుకు కీలకం?
-
గ్రామాల్లో పార్టీ ఉనికి: ఒక ప్రాంతీయ పార్టీ దీర్ఘకాలం బలంగా ఉండాలంటే పంచాయతీలు, వార్డుల్లో కేడర్ గట్టిగా ఉండాలి. అందుకే ఈ ఎన్నికలను కేడర్‌ను యాక్టివేట్ చేసే అవకాశంగా పవన్ చూస్తున్నారు.
-
పంచాయతీరాజ్ శాఖ మంత్రిగా పనితీరు పరీక్ష: ప్రస్తుతం పవన్ కళ్యాణ్ పంచాయతీరాజ్, గ్రామీణాభివృద్ధి, తాగునీటి సరఫరా శాఖల మంత్రిగా బాధ్యతలు నిర్వర్తిస్తున్నారు. గ్రామ సభల నిర్వహణ, ఉపాధి హామీ నిధుల సద్వినియోగం, గ్రామాల అభివృద్ధిపై ఆయన పెట్టిన ప్రత్యేక శ్రద్ధ వల్ల గ్రామీణ ప్రజల్లో మంచి స్పందన కనిపిస్తోంది. తన శాఖ పాలనా ప్రభావం నేరుగా గ్రామాలపైనే ఉన్నందున, స్థానిక సంస్థల్లో పార్టీ జెండా ఎగరేయడం పవన్ నాయకత్వానికి, ప్రతిష్టకు మరింత బలాన్ని చేకూరుస్తుందని విశ్లేషకులు భావిస్తున్నారు.
స్థానిక సంస్థల ఎన్నికలపై ప్రత్యేక దృష్టి సారించిన జనసేన పార్టీ అధ్యక్షులు శ్రీ @PawanKalyan గారు
• స్థానిక సంస్థల ఎన్నికల కోసం పార్లమెంటరీ అడ్‌హాక్ కమిటీల ఏర్పాటు
• క్షేత్రస్థాయిలో సమాచార సేకరణకు ఆదేశాలు
• అధ్యక్షుల స్వీయ పర్యవేక్షణలో పనిచేయనున్న కమిటీలు
• విజయవాడ పార్లమెంట్ మినహా మిగతా పార్లమెంట్ కమిటీలు ప్రకటించాలని నిర్ణయం
• త్వరలో ప్రతీ పార్లమెంట్ కమిటీతో సమావేశం అవ్వాలని నిర్ణయం
• స్థానిక ఎన్నికల నేపథ్యంలో మరో 4 కేంద్ర కమిటీల నియామకంస్థానిక సంస్థల ఎన్నికలను దృష్టిలో ఉంచుకుని, 25 పార్లమెంట్ నియోజకవర్గాల పరిధిలో ప్రత్యేక అడ్‌హాక్ కమిటీలను ఏర్పాటు చేసిన జనసేన పార్టీ అధ్యక్షులు, గౌరవ ఆంధ్రప్రదేశ్ రాష్ట్ర ఉప ముఖ్యమంత్రి శ్రీ పవన్ కళ్యాణ్ గారు. పార్టీ సంస్థాగత బలోపేతం, క్షేత్రస్థాయి సమాచార సేకరణ, ఎన్నికల సన్నద్ధతపై ప్రత్యేక దృష్టి సారించారు. ఈ కమిటీల పనితీరును స్వయంగా పర్యవేక్షిస్తూ, త్వరలో కమిటీ సభ్యులతో సమావేశమై దిశానిర్దేశం చేయనున్నారు. వీటితో పాటు ఎన్నికల నిర్వహణ & మార్గదర్శక కమిటీ, కూటమి సమన్వయ కమిటీ, ప్రచార కమిటీ, ట్రెజరీ కమిటీలను కూడా నియమిస్తూ నిర్ణయం తీసుకున్నారు.
— JanaSena Party (@JanaSenaParty) October 9, 2026