Nimmala Rama Naidu: ఆంధ్రప్రదేశ్ గృహ నిర్మాణ శాఖా మంత్రి నిమ్మల రామానాయుడు మాజీ ముఖ్యమంత్రి వై.ఎస్. జగన్ మోహన్ రెడ్డిపై తీవ్ర స్థాయిలో విరుచుకుపడ్డారు. ముఖ్యమంత్రిగా ఉన్న సమయంలో జగన్ కల్తీ మద్యం తయారీదారులకు మద్దతు ఇచ్చారని, లిక్కర్ కేసులపై మాట్లాడే నైతిక హక్కు ఆయనకు లేదని ఘాటుగా విమర్శించారు.
తూర్పు గోదావరి జిల్లా పర్యటన సందర్భంగా మంత్రి నిమ్మల రామానాయుడు మీడియాతో మాట్లాడుతూ కీలక వ్యాఖ్యలు చేశారు:
- లిక్కర్ ఫ్యాక్టరీలు గుప్పెట్లో: “ముఖ్యమంత్రిగా ఉన్న సమయంలో లిక్కర్ తయారు చేసే డిస్టిలరీ ఫ్యాక్టరీలు అన్నింటినీ జగన్ తన గుప్పెట్లో పెట్టుకున్నారు. ప్రభుత్వాన్ని అడ్డం పెట్టుకుని రాష్ట్రంలో కల్తీ మద్యాన్ని ఏ విధంగా అమ్మారో ప్రజలందరూ చూశారు.”
- జంగారెడ్డిగూడెం ఘటన: గతంలో పశ్చిమ గోదావరి జిల్లాలోని జంగారెడ్డిగూడెంలో కల్తీ మద్యం తాగి 27 మంది మరణించిన ఘటనలు వెలుగు చూశాయని గుర్తు చేశారు. “ఆ సమయంలో ప్రజల ఆరోగ్యాన్ని కొల్లగొట్టడంతో పాటు, వారి జేబులు కూడా గుల్ల చేశారు,” అని ఆయన ధ్వజమెత్తారు.
- లిక్కర్‌పై అప్పులు: గత పాలకులు లిక్కర్ ద్వారా వచ్చే ఆదాయంపై కూడా రుణాలు (అప్పులు) తీసుకువచ్చారని రామానాయుడు విమర్శించారు.
ఇది కూడా చదవండి: Bigg Boss Telugu 9: బిగ్‌బాస్ 9 కొత్త కంటెస్టెంట్స్ వీలే.. ఇక హౌస్ లో రచ్చ రచ్చే
నకిలీ మద్యంపై ఉక్కుపాదం: కూటమి ప్రభుత్వం చర్యలు
ప్రస్తుత కూటమి ప్రభుత్వం కల్తీ మద్యంపై కఠిన చర్యలు తీసుకుంటోందని మంత్రి రామానాయుడు స్పష్టం చేశారు.
- నిందితుల అరెస్ట్: రాష్ట్రంలో నకిలీ మద్యాన్ని వెలికితీసింది, తయారు చేసిన వారిని అరెస్టు చేసింది తమ కూటమి ప్రభుత్వమే అని తెలిపారు. “జగన్ ప్రభుత్వంలో నకిలీ మద్యం తయారీదారుల్లో ఎవరినైనా అరెస్ట్ చేశారా?” అని ఆయన ప్రశ్నించారు.
- భయం పుట్టేలా చర్యలు: “ప్రస్తుతం రాష్ట్రంలో ఎవరైనా నకిలీ మద్యం తయారు చేయాలంటే, అదే వారికి చివరి రోజు అవుతాదనే భయం నెలకొనేలా చర్యలు తీసుకున్నాం.”
- రాజకీయ రంగు మార్చినా ఉపేక్షించేది లేదు: కల్తీ మద్యం తయారీలో నైపుణ్యం కలిగిన వారు రాజకీయ కండువాలు మార్చినా ఉపేక్షించకుండా కఠిన చర్యలు తీసుకుంటామని ఆయన స్పష్టం చేశారు.
- కొత్త యాప్: రాష్ట్రంలో నకిలీ మద్యానికి శాశ్వతంగా చెక్ పెట్టేందుకు కూటమి ప్రభుత్వం ప్రత్యేకంగా ఏపీ ఎక్సైజ్ సురక్ష యాప్ను తీసుకువచ్చినట్లు మంత్రి నిమ్మల రామానాయుడు వెల్లడించారు.