Nikki Haley: రష్యా నుంచి భారత్ చమురు కొనుగోళ్లపై డొనాల్డ్ ట్రంప్ సుంకాల పెంపు వ్యాఖ్యల పట్ల భారత సంతతికి చెందిన రిపబ్లికన్ నాయకురాలు నిక్కీ హేలీ ఆసక్తికర వ్యాఖ్యలు చేశారు. ట్రంప్ తన పాలనలో చైనాకు లీనియెన్సీ (పక్షపాతం) చూపించారని, కానీ భారత్ వంటి బలమైన మిత్ర దేశంతో సంబంధాలను దెబ్బతీయడం సరికాదని ఆమె అభిప్రాయపడ్డారు.అమెరికాకు భారత్ ఒక బలమైన మిత్ర దేశమని, వ్యూహాత్మక భాగస్వామి అని ఆమె నొక్కి చెప్పారు. ఇటువంటి దేశంతో సంబంధాలను దెబ్బతీసుకోవడం అమెరికాకు మంచిది కాదని ఆమె హెచ్చరించారు. అంతర్జాతీయ మార్కెట్‌లో చమురు ధరలు పెరగకుండా నిలువరించడంలో భారత్ ఒక ముఖ్యమైన పాత్ర పోషిస్తోందని, ఈ విషయంలో అమెరికా కఠినంగా వ్యవహరించడం సరికాదని ఆమె పరోక్షంగా మద్దతు తెలిపారు. రష్యా నుంచి చైనా భారీగా చమురు కొనుగోలు చేస్తున్నప్పటికీ, ట్రంప్ పరిపాలనలో ఆ దేశానికి సుంకాల నుంచి మినహాయింపు లభించిందని ఆమె గుర్తు చేశారు. ఇది చైనాకు పక్షపాతం చూపించడం లాంటిదని ఆమె అభిప్రాయపడ్డారు. ఈ వ్యాఖ్యలు డొనాల్డ్ ట్రంప్ వాణిజ్య విధానాలపై నిక్కీ హేలీకి ఉన్న భిన్నాభిప్రాయాలను స్పష్టం చేస్తాయి.
Also Read: Washington Sundar: ఇంపాక్ట్ ప్లేయర్ ఆఫ్ ది సిరీస్ గా వాషింగ్టన్ సుందర్‌
నిక్కీ హేలీ పంజాబ్ నుంచి అమెరికాకు వలస వచ్చిన సిక్కు తల్లిదండ్రులు అజిత్ సింగ్ రంధావా, రాజ్ కౌర్ రంధావా దంపతులకు సౌత్ కరోలినాలో జన్మించారు.మె అకౌంటింగ్, ఫైనాన్స్‌లో డిగ్రీని పూర్తి చేసి, ఆ తర్వాత తన కుటుంబ వ్యాపారంలో చేరారు. 2010లో రిపబ్లికన్ పార్టీ తరఫున సౌత్ కరోలినా గవర్నర్‌గా ఎన్నికయ్యారు. ఆమె ఆ రాష్ట్రానికి మొదటి మహిళా గవర్నర్. ఈ పదవీకాలంలో ఉద్యోగ కల్పన, చిన్న వ్యాపారాలపై పన్నుల తగ్గింపు వంటి అంశాలపై దృష్టి పెట్టారు. 2015లో చార్లెస్టన్ చర్చిలో జరిగిన కాల్పుల ఘటన తర్వాత, రాష్ట్ర అసెంబ్లీ ప్రాంగణం నుంచి వివాదాస్పద కాన్ఫెడరేట్ జెండాను తొలగించడంలో ఆమె కీలక పాత్ర పోషించారు. 2017లో డొనాల్డ్ ట్రంప్ పరిపాలనలో ఐక్యరాజ్యసమితిలో అమెరికా రాయబారిగా నియమితులయ్యారు. ఈ పదవి చేపట్టిన మొదటి భారతీయ-అమెరికన్ మహిళగా ఆమె రికార్డు సృష్టించారు. ఈ పదవీ కాలంలో ఆమె ఇరాన్, ఉత్తర కొరియా వంటి దేశాలపై కఠిన వైఖరి అవలంబించారు.