TVK Vijay Rally Stampede: తమిళనాడులోని కరూర్‌లో తమిళగ వెట్రి కళగం (టీవీకే) అధ్యక్షుడు, సినీ నటుడు విజయ్ నిర్వహించిన ఎన్నికల ప్రచార ర్యాలీలో జరిగిన తొక్కిసలాట దేశవ్యాప్తంగా తీవ్ర విషాదాన్ని నింపింది. అభిమానులతో నిండిన సభలో ఒక్కసారిగా తొక్కిసలాట చోటుచేసుకోవడంతో ఇప్పటివరకు 39 మంది ప్రాణాలు కోల్పోగా, వందలాది మంది గాయపడ్డారు. మరణించిన వారిలో చిన్నారులు, మహిళలు కూడా ఉండటం మరింత కలచివేస్తోంది. ప్రస్తుతం దాదాపు 400 మందికిపైగా దవాఖానల్లో చికిత్స పొందుతున్నారు.
ఈ ఘటనపై తెలుగు సినీ పరిశ్రమ సీనియర్ నటుడు, మెగాస్టార్ చిరంజీవి తీవ్ర దిగ్భ్రాంతిని వ్యక్తం చేశారు. సోషల్ మీడియా వేదికగా స్పందిస్తూ ఆయన ఇలా అన్నారు:
“తమిళనాడులోని కరూర్ ర్యాలీలో జరిగిన విషాదకర తొక్కిసలాట తీవ్రంగా కలచివేసింది. ఈ ప్రమాదంలో ప్రాణాలు కోల్పోయిన కుటుంబాలకు నా హృదయపూర్వక సానుభూతి తెలియజేస్తున్నాను. గాయపడిన వారు త్వరగా కోలుకోవాలని దేవుడిని ప్రార్థిస్తున్నాను. ఈ క్లిష్ట సమయంలో వారి కుటుంబాలకు ధైర్యం చేకూరాలని కోరుకుంటున్నాను.”
Deeply saddened by the tragic stampede at the rally in Karur, Tamil Nadu.
My sincere condolences to the families who are living through this unbearable loss. I wish them strength in this difficult time and pray for the speedy recovery of those injured.
Om Shanti 🙏— Chiranjeevi Konidela (@KChiruTweets) September 28, 2025
కేంద్ర-రాష్ట్ర ప్రభుత్వాల చర్యలు
ఈ ఘటనపై కేంద్ర హోంశాఖ సీరియస్‌గా స్పందించింది. ముఖ్యమంత్రి స్టాలిన్‌తో కేంద్ర హోం మంత్రి అమిత్‌ షా మాట్లాడి పరిస్థితులను తెలుసుకున్నారు. అవసరమైన సహాయం అందిస్తామని హామీ ఇచ్చారు. అలాగే కేంద్ర మంత్రి ఎల్‌.మురుగన్‌ దవాఖానల్లో చికిత్స పొందుతున్న బాధితులను పరామర్శించారు.
ఇది కూడా చదవండి: Ind vs Pak Asia Cup 2025: ఫైనల్లో ఇండియా గెలుస్తుందా? పాకిస్తాన్ ఓడిపోతుందా? ప్రముఖ జ్యోతిష్కుడు ఏంచెప్పాడు అంటే..?
సీఎం స్టాలిన్ మాట్లాడుతూ – “తమిళనాడు చరిత్రలో ఇంత పెద్ద ఎత్తున ఒక రాజకీయ సభలో తొక్కిసలాట జరగడం ఇదే మొదటిసారి. ఇప్పటివరకు 39 మంది మరణించారు. ఇది రాష్ట్రానికి తీరని విషాదం” అని అన్నారు.
ముగింపు
విజయ్ రాజకీయ ప్రస్థానానికి అనుసంధానంగా నిర్వహించిన ఈ భారీ ర్యాలీ అభిమానులకు క్షణాల్లోనే విషాదాన్ని మిగిల్చింది. జాగ్రత్తలు పాటించకపోవడం వల్ల ఈ ఘటన జరిగిందనే విమర్శలు వినిపిస్తున్నాయి. భవిష్యత్తులో ఇలాంటి దుర్ఘటనలు పునరావృతం కాకుండా అధికార యంత్రాంగం మరింత అప్రమత్తంగా ఉండాలని ప్రజలు కోరుతున్నారు.