America: అమెరికా కేంద్రంగా పనిచేస్తున్న యునైటెడ్ ఎయిర్లైన్స్ సంస్థ, తన విమానాల్లో ఒక ప్యాసింజర్పై జీవితకాల నిషేధాన్ని విధించింది. ఇది విమానం ప్రయాణ సమయంలో అతడు చేసిన దురుసు ప్రవర్తనకు గాను తీసుకున్న చర్య.
ఘటన వివరాలు:
డిసెంబర్ 28న యూఏ ఫ్లైట్ 189 ద్వారా శాన్ ఫ్రాన్సిస్కో నుంచి ఫిలిప్పీన్స్ రాజధాని మనీలా వరకు ప్రయాణిస్తున్న విమానంలో ఈ ఘటన చోటు చేసుకుంది. ఈ విమానం బిజినెస్ క్లాస్లో నిద్రిస్తున్న జెరోమ్ గుటిరెజ్ అనే ప్రయాణికుడిపై ఒక వ్యక్తి మూత్ర విసర్జన చేయడం జరిగింది. ఈ సమయంలో బాధితుడు గాఢ నిద్రలో ఉన్నారు.
ఆ ఘటన జరిగినప్పుడు తొలుత బాధితుడు కల అనుకున్నారు, కానీ మూత్రం కాళ్ల వరకు కారుతుండడంతో ఉలిక్కిపడి లేచారు. ఈ విషయాన్ని బాధితుడి కూతురు నికోల్ కార్నెల్ వెల్లడించారు. విమాన సిబ్బందికి ఈ విషయం తెలియజేయగా, నిందితుడిని ప్రశ్నించవద్దని సూచించారట. ఘర్షణకు దారితీసే పరిస్థితులు తలెత్తుతాయనే భయంతో వారు సైలెంట్గా ఉండాలని నిర్ణయించుకున్నట్లు తెలిపారు.
యునైటెడ్ ఎయిర్లైన్స్ చర్యలు:
విమానం ఫిలిప్పీన్స్ చేరుకున్న వెంటనే ఈ విషయం స్థానిక పోలీసులకు తెలపడం జరిగింది. నిందితుడిపై యునైటెడ్ ఎయిర్లైన్స్ జీవితకాల నిషేధం విధిస్తూ, ఇలాంటి ప్రవర్తన ఎప్పటికీ సహించబడదని స్పష్టం చేసింది.
ఈ ఘటనపై బాధితుడి కుటుంబం యునైటెడ్ ఎయిర్లైన్స్ తీరుపై అసంతృప్తి వ్యక్తం చేసింది. విమాన సిబ్బంది ఈ ఘటనను సరిగా నిర్వహించలేకపోయారని ఆరోపించారు.