కాంగ్రెస్ సీనియర్ నేత, ఎమ్మెల్సీ జీవన్‌రెడ్డి అనుచరుడు మారు గంగారెడ్డి హత్యకేసులో పోలీసులు విచారణ వేగవంతం చేశారు. నిందితుడు సంతోష్‌ను పోలీసులు అరెస్ట్ చేశారు. అతడి నుంచి కారు, హత్యకు ఉపయోగించిన కత్తిని స్వాధీనం చేసుకుని విచారిస్తున్నారు. మొబైల్ ఫోన్ డేటాను పరిశీలిస్తున్నారు.
జగిత్యాలలోని జాబితాపూర్‌లో జీవన్‌రెడ్డికి ప్రధాన అనుచరుడు గంగారెడ్డి బైక్‌పై వెళ్తుండగా బత్తిని సంతోష్‌గౌడ్ కారుతో వెనక నుంచి ఢీకొట్టాడు. కిందపడిన గంగారెడ్డిపై అందరూ చూస్తుండగానే కత్తితో దాడిచేశాడు. చాతీలో, కడుపులో విచక్షణ రహితంగా పొడిచాడు. ఆపై తన సెల్‌ఫోన్‌ను వేరే చోట పడేసి మరో కారులో పరారయ్యాడు.