Mahavatar Narasimha: భారతీయ సినీ ప్రపంచంలో పౌరాణిక కథలు, రొమాంటిక్ కామెడీలు, లైవ్ యాక్షన్ బ్లాక్‌బస్టర్స్ ఎన్నో ఉన్నాయి. కానీ యానిమేటెడ్ సినిమాలు బాక్సాఫీస్ వద్ద ఆధిపత్యం సాధించడం చాలా అరుదైన విషయం. ఆ అరుదైన ఘనతను సాధించింది ‘మహావతార్ నరసింహ’.
హోంబాలే ఫిల్మ్స్, క్లీమ్ ప్రొడక్షన్స్ సంయుక్తంగా నిర్మించిన ఈ చిత్రం 2025 జూలై 25న విడుదలై కేవలం 26 రోజుల్లోనే రూ. 300 కోట్ల క్లబ్‌లో చేరిన తొలి భారతీయ యానిమేటెడ్ చిత్రంగా చరిత్ర సృష్టించింది. ఐదు భారతీయ భాషల్లో 3Dలో విడుదలైన ఈ చిత్రం అన్ని వర్గాల ప్రేక్షకులను ఆకట్టుకుంది.
విజువల్స్ – కథ – పురాణం కలయిక
అశ్విన్ కుమార్ దర్శకత్వంలో రూపొందిన ఈ చిత్రంలో అత్యాధునిక యానిమేషన్ టెక్నాలజీకి తోడు, పురాణ గాథలుని హృద్యంగా కలిపారు. నరసింహ స్వరూపం, అతని యుద్ధ వీర్యం, ధర్మరక్షణ కోసం చేసిన పోరాటం – ఇవన్నీ గ్రాండ్ విజువల్స్తో ఆవిష్కరించబడి ప్రేక్షకుల హృదయాలను కట్టిపడేశాయి. భావోద్వేగ కథనం, పౌరాణిక మూలాలు, సాంకేతిక నైపుణ్యం – ఈ మూడూ కలసి ‘మహావతార్ నరసింహ’ను ఒక మాస్టర్పీస్గా నిలిపాయి.
ఇది కూడా చదవండి: Tollywood: టాలీవుడ్‌లో వివాదానికి తెర.. రేపటి నుంచి షూటింగులు షురూ
విజయవంతమైన యానిమేటెడ్ యూనివర్స్
వాణిజ్యపరంగా విజయం సాధించడమే కాకుండా, ఈ చిత్రం భారతీయ యానిమేషన్‌కు ఒక కొత్త గుర్తింపు తెచ్చింది. భారతీయ పురాణాల ఆధారంగా రూపొందనున్న సిరీస్‌లో ఇది మొదటి అడుగు. హోంబాలే ఇప్పటికే రాబోయే సినిమాలను ప్రకటించింది:
-
మహావతార్ పరశురామ్ (2027)
-
మహావతార్ రఘునందన్ (2029)
-
మహావతార్ ద్వారకాధీష్ (2031)
-
మహావతార్ గోకులానంద (2033)
-
మహావతార్ కల్కి (2037) – రెండు భాగాల ముగింపు
భారతీయ సినిమా కొత్త దిశలో
ఇప్పటి వరకు లైవ్ యాక్షన్ సినిమాలకే పరిమితమైన బాక్సాఫీస్ సక్సెస్ కథను, యానిమేటెడ్ చిత్రాలు కూడా సాధించగలవు అని ‘మహావతార్ నరసింహ’ నిరూపించింది. ఇది కేవలం ఒక సినిమా కాదు – భారతీయ సినీ ప్రపంచంలో యానిమేషన్ యుగానికి శ్రీకారం.