Mumbai: 2024 మహారాష్ట్ర అసెంబ్లీ ఎన్నికల ఫలితాలు ప్రస్తుతం ఆసక్తికరంగా మారాయి. మహాయుతి కూటమి 160 స్థానాల్లో ముందంజలో ఉంది. కూటమి పాలనలో ఉన్న ముఖ్యనేతలు షిండే, అదిత్య ఠాక్రే, అమిత్ ఠాక్రే, రాహుల్ నర్వేకర్, అజిత్ పవార్ వంటి ప్రముఖులు ఉన్నారు. అయితే, ఎంవీఏ కూటమి 100 స్థానాల్లో, స్వతంత్ర అభ్యర్థులు 9 స్థానాల్లో ముందంజలో ఉన్నారు.
ప్రధానమైన వారిని పరిశీలిస్తే, కొప్రిలో సీఎం ఎక్ నాథ్ షిండే ముందంజలో ఉన్నారు, వర్లిలో ఉద్ధవ్ ఠాక్రే కుమారుడు ఆదిత్య ఠాక్రే వెనుకంజలో ఉన్నారు. అలాగే, మాహింలో రాజ్‌ఠాక్రే కుమారుడు అమిత్, కొలాబాలో స్పీకర్ రాహుల్ నర్వేకర్, బారామతిలో అజిత్ పవార్, సపోలిలో పీసీసీ చీఫ్ నానా పటోలె వెనుకంజలో ఉన్నారు. ఈ ఫలితాలు మహారాష్ట్ర రాజకీయాల్లో కీలక పరిణామాలు తెచ్చాయి.
ఇప్పటికే, వయనాడ్ ఉపఎన్నిక ఫలితాలు కూడా రాజకీయం చర్చనీయాంశంగా మారింది. ప్రియాంక గాంధీ భారీ ఆధిక్యంలో 70 వేల ఓట్ల మెజారిటీతో లీడింగ్ లో ఉన్నారు. బీజేపీ అభ్యర్థి నవ్య హరిదాస్ వెనుకంజలో ఉన్నారు. ఈ ఫలితాలు కాంగ్రెస్‌కు ఉత్సాహాన్ని ఇచ్చే అవకాశాలు కల్పిస్తున్నాయి.
ఝార్ఖండ్ అసెంబ్లీ ఎన్నికల ఫలితాలు కూడా తీవ్ర ఉత్కంఠను రేపుతున్నాయి. ఈ రాష్ట్రంలో మొత్తం 81 అసెంబ్లీ స్థానాలకు రెండు దశల్లో పోలింగ్ జరిగింది. తొలిదశలో నవంబర్ 13న 43 స్థానాలు, రెండో దశలో నవంబర్ 20న 38 స్థానాలు పోలింగ్ జరిగింది. రాష్ట్రంలో అధికారంలో ఉన్న హేమంత్ సోరెన్ నాయకత్వంలోని ఇండియా కూటమి, బీజేపీ నేతృత్వంలోని ఎన్డీఏ మధ్య పోటీ నెలకొంది.
ఈసారి తాజా ట్రెండ్ ప్రకారం, బీజేపీ నేతృత్వంలోని ఎన్డీఏ కూటమి 30 స్థానాల్లో ముందంజలో ఉన్నది, అక్కడి వాస్తవ పరిస్థితులకు అనుగుణంగా ఐతే, ఇండియా కూటమి 43 స్థానాల్లో ముందంజలో ఉంది. ముఖ్యంగా, గండే నియోజకర్గంలో హేమంత్ సోరెన్ భార్య కల్పనా సోరెన్ స్వల్ప ఆధిక్యంలో కొనసాగుతున్నారు. అలాగే, ధన్వార్, సరాయ్‌కెలా నియోజకర్గాల్లో కూడా ముఖ్య రాజకీయ నేతలు ఆధిక్యంలో ఉన్నారు.