Rahul Gandhi: స్వాతంత్య్ర సమరయోధుడు వీర్ సావర్కర్‌పై అవమానకరమైన పదజాలం వాడిన కేసులో 2025 జనవరి 10న తన ముందు హాజరుకావాలని లక్నో కోర్టు కాంగ్రెస్ అధినేత రాహుల్ గాంధీకి సమన్లు జారీ చేసింది. వీర్ సావర్కర్ గురించి రెచ్చగొట్టే వ్యాఖ్యలు చేశారంటూ కాంగ్రెస్ అధినేత రాహుల్ గాంధీపై కేసు ఫైల్ అయింది. విద్వేషాలు రెచ్చగొట్టేలా వ్యాఖ్యలు చేసినందుకు రాహుల్ గాంధీకి సమన్లు జారీ చేశారు. 2022 డిసెంబర్ 17న మహారాష్ట్రలోని అకోలాలో విలేకరుల సమావేశంలో వీర్ సావర్కర్ గురించి అవమానకరమైన ప్రకటన చేశారంటూ న్యాయవాది నృపేంద్ర పాండే ఈ పిటిషన్ వేశారు.
రాహుల్ గాంధీ తన ప్రసంగంలో వీర్ సావర్కర్‌ను “ఇంగ్లీష్ సేవకుడు” -“పెన్షనర్” అని పేర్కొన్నారని పాండే తన ఫిర్యాదులో ఆరోపించారు. స్వాతంత్య్ర సమరయోధుల వారసత్వాన్ని అణగదొక్కడం, సమాజంలో విభజనను ప్రేరేపించడం దీని లక్ష్యం ఆయన పేర్కొన్నారు. భారత్ జోడో యాత్ర సందర్భంగా చేసిన ప్రకటన విద్వేషాన్ని వ్యాప్తి చేసే ప్రయత్నంలో భాగమని పాండే వాదించారు.
ఇది కూడా చదవండి: Allu Arjun: నేను బావున్నా.. ఆందోళన చెందవద్దు: బన్నీ ఎమోషనల్
Rahul Gandhi: విలేకరుల సమావేశంలో రాహుల్ గాంధీ చేసిన ప్రకటనపై తీవ్ర విమర్శలు వచ్చాయి. వీర సావర్కర్ వలస పాలనలో బ్రిటిష్ వారితో కలిసి పనిచేశారని ఆయన చెప్పారు. సావర్కర్ బ్రిటీష్ వారికి లేఖలు రాశారు, వారి పక్షాన ఉండేందుకు సుముఖత వ్యక్తం చేశారు. భయపడి క్షమాపణలు చెబుతానని కూడా చెప్పాడు. మహాత్మా గాంధీ,ఇతర స్వాతంత్ర్య సమరయోధులకు సావర్కర్ ద్రోహం చేశారని రాహుల్ గాంధీ ఆరోపించారు.