Pushpa: పుష్ప-2 విడుదల సందర్భంగా ఆర్టీసీ క్రాస్ రోడ్స్లోని సంధ్య థియేటర్ వద్ద జరిగిన తొక్కిసలాట ఘటనపై హీరో అల్లు అర్జున్కి చిక్కడపల్లి పోలీసులు నోటీసులు ఇచ్చిన విషయం తెలిసిందే. ఈ క్రమంలో మంగళవారం ఉదయం 11 గంటలకు అల్లు అర్జున్ చిక్కడపల్లి పోలీస్ స్టేషన్కు విచారణకు హాజరయ్యారు. దాదాపు రెండున్నర గంటలపాటు ఈ విచారణ కొనసాగింది.
ఈ ఘటనపై విచారణ పూర్తయ్యాక, సంధ్య థియేటర్లో చోటుచేసుకున్న పరిస్థితులపై సీన్ రీకన్స్ట్రక్షన్ చేయాలన్న యోచనలో పోలీసులు ఉన్నట్లు సమాచారం.
ఇదిలావుంటే, ఈ ఘటనలో ప్రధాన నిందితుడిగా భావిస్తున్న ఆంటోనీని చిక్కడపల్లి పోలీసులు అరెస్టు చేశారు. ఆంటోనీ బౌన్సర్లకు ఆర్గనైజర్గా పనిచేస్తున్నట్లు, అతని కార్యకలాపాలే తొక్కిసలాటకు కారణమయ్యాయని పోలీసులు అనుమానం వ్యక్తం చేస్తున్నారు.
ఈ దర్యాప్తు కొనసాగుతుండగా, సంఘటనకు సంబంధించిన పూర్తి వివరాలు ఇంకా వెలుగులోకి రావాల్సి ఉంది. పోలీసులు బాధితులకు న్యాయం చేయడానికి కట్టుదిట్టమైన చర్యలు తీసుకుంటున్నారు.