SM Krishna Death: కర్ణాటక రాజకీయ నాయకుడు, మాజీ విదేశాంగ మంత్రి, కర్ణాటక మాజీ ముఖ్యమంత్రి ఎస్ఎం కృష్ణ ఈరోజు (డిసెంబర్ 10) తెల్లవారుజామున 2:30 గంటల ప్రాంతంలో బెంగళూరులోని సదాశివనగర్‌లోని తన నివాసంలో కన్నుమూశారు. ఆయనకి 92 ఏళ్లు. వృద్ధాప్య వ్యాధితో బాధపడుతున్న ఎస్ఎం కృష్ణను చికిత్స కోసం ముందుగా వైదేహి ఆసుపత్రిలో చేర్చారు. అనంతరం ఊపిరితిత్తుల ఇన్ఫెక్షన్ కారణంగా మణిపాల్‌ ఆస్పత్రికి తరలించారు. డా. సత్యనారాయణ మైసూర్, డా. సునీల్ కారంత్ నేతృత్వంలోని వైద్యుల బృందం చికిత్స అందించింది. ఊపిరితిత్తుల ఇన్ఫెక్షన్ కారణంగా కృష్ణ శ్వాస తీసుకోవడంలో ఇబ్బంది గా ఉండేది దింతో ఆయనని ఐసీయూలో చేర్చి చికిత్స అందించారు.
మే 1, 1932న కర్ణాటకలోని మాండ్య జిల్లా మద్దూరు తాలూకా సోమనహళ్లి గ్రామంలో ఎస్ఎం కృష్ణ జన్మించారు. ఎస్ఎం కృష్ణ పూర్తి పేరు సోమనహళ్లి మల్లయ్య కృష్ణ. అతను తన ప్రాథమిక విద్యను హత్తూరులో, సెకండరీ విద్యను మైసూర్‌లోని శ్రీ రామకృష్ణ విద్యాశాలలో, తన బ్యాచిలర్ ఆఫ్ ఆర్ట్స్‌ని మైసూర్‌లోని మహారాజా కాలేజీలో ,లా డిగ్రీని యూనివర్సిటీ లా కాలేజీలో పూర్తి చేశాడు. అతను డల్లాస్, టెక్సాస్, USAలోని సదరన్ మెథడిస్ట్ విశ్వవిద్యాలయం వాషింగ్టన్ DCలోని జార్జ్ వాషింగ్టన్ యూనివర్శిటీ లా స్కూల్ నుండి పట్టభద్రుడయ్యాడు.
ఇది కూడా చదవండి: Nagababu: త్వరలో రాష్ట్ర క్యాబినెట్‌లోకి నాగబాబు
స్వతంత్ర అభ్యర్థిగా ఎన్నికల రాజకీయ రంగ ప్రవేశం
1962లో మద్దూరు అసెంబ్లీ నియోజకవర్గం నుంచి స్వతంత్ర అభ్యర్థిగా పోటీ చేసి గెలుపొందిన కృష్ణ ఎన్నికల రాజకీయ జీవితంలోకి ప్రవేశించారు. ఆ తర్వాత ‘ప్రజా సోషలిస్టు పార్టీలో’ చేరారు. కానీ 1967 ఎన్నికల్లో మద్దూరు నుంచి కాంగ్రెస్‌కు చెందిన ఎంఎం గౌడ్‌పై ఓడిపోయారు. 1968లో సిట్టింగ్ ఎంపీ మరణించడంతో మాండ్య లోక్‌సభ నియోజకవర్గానికి జరిగిన ఉప ఎన్నికల్లో కాంగ్రెస్ అభ్యర్థిని ఓడించి జాతీయ రాజకీయాల్లోకి ప్రవేశించారు. 1968 ఉప ఎన్నికల తర్వాత మాండ్య నియోజకవర్గం నుంచి మూడుసార్లు ఎంపీగా ఎన్నికయ్యారు. 1971, 1980 ఎన్నికల్లో కాంగ్రెస్ అభ్యర్థిగా గెలుపొందారు. మాండ్యాను కాంగ్రెస్ కంచుకోటగా నిలబెట్టడంలో ఎస్ఎం కృష్ణ పాత్ర కీలకం.
పాంచజన్య యాత్ర నుంచి ముఖ్యమంత్రి పదవి వరకు…
1999లో కేపీసీసీ అధ్యక్షుడిగా ఉన్న ఆయన అదే ఏడాది జరిగిన అసెంబ్లీ ఎన్నికల్లో కాంగ్రెస్ పార్టీని విజయపథంలో నడిపించారు. ఆ సందర్భంగా ఎస్ఎం కృష్ణ చేపట్టిన పాంచజన్య యాత్ర కర్ణాటక రాజకీయాల్లో కాంగ్రెస్‌కు సత్తా చాటింది.
డిసెంబర్ 2004లో మహారాష్ట్ర గవర్నర్‌గా నియమితులైన కృష్ణ 5 మార్చి 2008న మహారాష్ట్ర గవర్నర్ పదవికి రాజీనామా చేశారు. తర్వాత రాజ్యసభకు ఎన్నికై, 2009 మే 22న అప్పటి ప్రధాని మన్మోహన్ సింగ్ మంత్రివర్గంలో విదేశాంగ మంత్రిగా బాధ్యతలు చేపట్టారు.
ఇది కూడా చదవండి: AP Rice Mafia: బుక్కైన AGS…బొమ్మాలి నిన్ను వదలా.!
చిన్న వయసులోనే బీజేపీలో చేరారు
తన రాజకీయ జీవితమంతా కాంగ్రెస్‌లో బలమైన నాయకుడిగా కొనసాగిన ఎస్ఎం కృష్ణ తన రాజకీయ జీవితం ముగిశాక జనవరి 29, 2017న కాంగ్రెస్‌కు రాజీనామా చేశారు. 2017 మార్చిలో అధికారికంగా బీజేపీలో చేరారు.
వృద్ధాప్య సంబంధిత అనారోగ్యం ఇతర కారణాల వల్ల 7 జనవరి 2023న రాజకీయాల నుండి రిటైర్ అవుతున్నట్లు ప్రకటించారు. SM కృష్ణ ప్రేమ వివాహం చేసుకున్నారు ఆయనకి ఇద్దరు కుమార్తెలు ఉన్నారు.
SM కృష్ణ జీవిత చరిత్ర ‘స్మృతి వాహిని’ డిసెంబర్ 2019 లో విడుదలైంది. కన్నడ నటుడు డా. రాజ్‌కుమార్‌ను కడగళ్ల వీరప్పన్ అపహరించడం (ఎస్ఎం కృష్ణ ముఖ్యమంత్రిగా ఉన్నప్పుడు) మరియు జేడీఎస్ అధినేత హెచ్‌డి దేవెగౌడ కాంగ్రెస్‌లో చేరాలని యోచిస్తున్న అనేక ఆసక్తికరమైన సంఘటనలను ఆయన ‘స్మృతి వాహిని’లో ప్రస్తావించారు.