Milk bath: ఇటీవల అస్సాంలోని నల్బరి జిల్లాలో విడాకుల తర్వాత ఒక వ్యక్తి 40 లీటర్ల పాలతో స్నానం చేసి తన ఆనందాన్ని వ్యక్తం చేశాడు. ఈ సంఘటనకు సంబంధించిన వీడియో సోషల్ మీడియాలో వైరల్ అయ్యింది. అయితే పాలతో స్నానం చేస్తే ఏమి జరుగుతుంది? అది శరీరంపై ఎలాంటి ప్రభావం చూపుతుంది ఇప్పుడు తెలుసుకుందాం. పాలలో ఉండే కొవ్వులు, ప్రొటీన్లు చర్మాన్ని లోతుగా హైడ్రేట్ చేసి మృదువుగా ఉంచుతాయి. పొడి చర్మం ఉన్నవారికి ఇది చాలా ప్రయోజనకరంగా ఉంటుంది. పాలు సహజమైన క్లెన్సర్‌గా పనిచేస్తాయి. ఇవి చర్మ రంధ్రాలను శుభ్రపరచి, మురికిని, మలినాలను తొలగిస్తాయి.
Also Read: Palm Oil: పామాయిల్ సురక్షితమేనా? రోజువారీ వంటకాల్లో ఎంత వాడాలి?
పచ్చి పాలలో విటమిన్లు A, D, E వంటి యాంటీఆక్సిడెంట్లు, బీటా-కేసిన్ ప్రొటీన్లు ఉంటాయి. ఇవి ఫ్రీ రాడికల్స్ వల్ల కలిగే అకాల వృద్ధాప్యం నుండి చర్మాన్ని రక్షించడంలో సహాయపడతాయి. కొల్లాజెన్ ఉత్పత్తిని ప్రోత్సహించి, ముడతలు, సన్నటి గీతలను తగ్గించడంలో సహాయపడతాయి. పాలలో ఉండే లాక్టిక్ యాసిడ్ మొటిమలు, వడదెబ్బ, చర్మంపై చికాకు వంటి సమస్యలకు ఉపశమనం కలిగిస్తుంది. ఇది చర్మాన్ని శాంతపరచి, ఎరుపుదనాన్ని తగ్గిస్తుంది. పచ్చి పాలు చర్మాన్ని కాంతివంతంగా, మెరిసేలా చేస్తాయి. లాక్టిక్ యాసిడ్ చర్మాన్ని ఎక్స్‌ఫోలియేట్ చేసి, మృత కణాలను తొలగిస్తుంది. పాల స్నానం చర్మాన్ని బిగుతుగా మార్చడంలో కూడా సహాయపడుతుంది.
పాల స్నానం ఎలా చేయాలి: మీరు స్నానం చేసే నీటిలో అర గ్లాసు పాలు కలుపుకోవచ్చు. పసుపు, తేనె, రోజ్ వాటర్ వంటి ఇతర సహజ పదార్థాలను కూడా పాలకు కలిపి ముఖానికి లేదా శరీరానికి ప్యాక్‌గా అప్లై చేయవచ్చు. అయితే, జిడ్డు చర్మం ఉన్నవారు పచ్చి పాలను నేరుగా ముఖానికి పూయకుండా, ఉడికించిన పాలు లేదా నిపుణుల సలహా తీసుకోవడం మంచిది.
గమనిక: ఇక్కడ ఇచ్చిన ఆర్టికల్ ఇంటర్నెట్ లో అందుబాటులో ఉన్న సమాచారం ఆధారంగా ఇచ్చింది. సంబంధిత విషయాలపై ఆసక్తి ఉన్న పాఠకుల కోసం అందించడం జరిగింది. ఈ ఆర్టికల్ లోని అంశాలను ఫాలో అయ్యే ముందు మీ ఫ్యామిలీ డాక్టర్ ను సంప్రదించాల్సిందిగా మహా న్యూస్ సూచిస్తోంది.